Taka Eskola Impaktu Ladiak Ba Labarik Sira

DILI, STLNEWS.co – Iha estadu emerjensia (EE) no serka sanitaria (SS), durante tinan ida estudante sira latama eskola nee fo impaktu neebe mak ladiak ba labarik sira.

Kestaun nee hatoo husi reprezentante UNICEF iha Timor Leste, Bilal Durrani ba jornalista hafoin remata enkontru ho Prezidente Republika (PR) Francisco Guterres Lú Olo, iha Palasiu Prezidente Nicolau Lobato, Bairru Pite, Dili, Segunda (07/06/2021).

“Antes ita bot sira hatene katak eskola sira taka desde tinan kotuk no ohin loron nee mak impaktu ladiak ba labarik sira. Ita bot sira hatene katak iha tinan kotuk banhira eskola sira hahu taka tiha, depois loron 6 ita estabelese fali ona sistema ida programa ida atu bele fo ajuda apoiu labarik sira atu estuda iha uma,” hatete reprezentante UNICEF nee.

Nia mos hatutan, tanba husik programa eskola ba uma nee produz ona episode 83 episode para atu ajuda Ministeriu Edukasaun para atu bele fasilita labarik sira estuda iha uma, UNICEF mos produz buat nee liu husi YouTube no aplikasaun sira neebe mak bele la uza internet para atu bele fasilita labarik sira eskola.

“Maske hanesan nee ita mos hasoru dezafius barak, hanesan konektividade internet nian no mos iha familia balun mak eletrisidade mate lakan no mos balun la iha televizaun, atu ultrapassa dezafius ida nee ita mos impremi material sira neebe mak bele ajuda labarik sira estuda iha uma no mos ita dezenvolve guia ida, matadalan ida neebe mak atu ajuda professor sira hanorin labarik sira iha uma. Ita mos dezenvolve pakote ida kona ba parente ou inan aman sira iha uma oinsa atu ajuda sira hodi bele haree ninia oan sira iha uma” dehan nia.

Bilal Durrani dehan, UNICEF dezenvolve matadalan ida ba professor sira para oinsa atu uza material sira nee para bele oinsa atu hanorin labarik sira iha uma.

Tanba nee mak ohin reprezentante UNICEF nee hasoru PR, nia mos husu ajuda para oinsa atu bele liu husi Ministeriu Edukasaun bele hasai despaixo ida ba iha Infordepe no mos edukasaun distrital sira para atu bele ajuda promove programa eskola ba uma nee

“Ita hein katak material aprendizajen sira neebe mak ohin ita koalia katak impremi tiha ona nee, liu tiha situsaun Covid-19 pandemia nee mos labarik sira sei uza nafatin material hodi aprende iha uma ba nafatin.” katak nia.

Iha enkontru nee, Prezidente Republika Francisco Guterres Lú Olo mos hatoo nia agradesementu ba UNICEF iha Timor leste nia apoiu tomak, no PR sente kontente husu fo apoiu nafatin iha area edukasaun, saude, nutrisaun, no mos iha protesaun labarik nian.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: