Tinan Oin UNTL Simu Estudante 3.000

DILI, STLNEWS.co – Universidade Nasional Timor Lorosae (UNTL) iha tinan 2022 posibilidade sei simu estudantes foun hamutuk 3.000 tuir vagas neebe universidade prepara tuir numeru profesores.

Bainhira remata enkontu ho Prezidente Republika, Reitor UNTL João Soares Martins ba jornalista iha Palasiu Prezidente Nicolau Lobato Bairru Pite, Tersa (19/10/2021) hatete oras nee dadaun UNTL prepara ona vagas hodi simu estudante sira iha tinan oin.

“Ami prepara ona vagas neebe se la sala ho numeru 3.000 i tal, maibe sei iha diskusaun, nee ami haree tuir ba kapasidade sala de aulas nomos numeru profesores neebe mak iha, entaun ami propoin purvolta de 3000 i tal estudantes,” dehan Reitor UNTL nee.

Nia hatutan atu simu estudante foun iha tinan oin simu liu husi reuniaun ensinu superior neebe ekipa konjunta lidera husi Ministeriu Ensinu Superior no Siensia Kultura.

“Diskusaun lao hela, ita hatene muito bem katak simu estudante foun nee liu husi reuniaun asesu ensinu superior neebe ekipa konjunta lideradu husi Ministeriu Ensinu Superior no Siensia Kultura, UNTL hola parte iha prosesu nee hotu neebe prosesu lao hela, mas hau fiar katak ba governu parese iha tan aumentu balun ke ami sei negosia,” katak nia.

João hateten diskusaun ho Ministeriu Ensinu Superior Siensia no Kultura haree numeru final, kuandu prosesu nee too ona iha Janeiru 2022 mak haree. Nunee mos dezafius neebe universidade hasoru mak numeru profesores tanba kapasidade estudante boot liu profesores.

“Numeru profesores neebe ita sura karik ami estudante 40.000 mil, rejistu profesores 400, kuaze profesor 1 hanorin ema 100 nee tuir loloos labele, ida tenke hanorin 25 ate 30 nee rasional,” katak nia.

Nia mos relata dezafiu sira ba Prezidente Republika katak universidade hakarak aposta ba iha kualidade maibe limitasaun sira nee. Tanba nee hein katak prosesu dezenvolvimentu liu-liu konstrusaun ba infraestrutura sei bele kontinua nafatin, husu guvernu no mos parseiru sira bele apoiu nafatin nunee bele atinje kualidade ensinu superior neebe Timor oan mehi.

Prezidente Republika Francisco Guterres Lú Olo mos haksolok hodi simu opinaun hotu husi Universidade Nasional Timor lorosae.

Iha biban nee Universidade Nasional Timor Lorosae (UNTL) propoin planu universidade nian ba Xefe Estadu atu nunee bele apoiu ba ensinu superior publiku nee, tanba PR mos hanesan alumni husi UNTL.

“Aumezmu tempu propoin kona-ba UNTL ninia planu ba oin husu Xefe Estadu atu bele apoiu UNTL no labele haluhan katak PR hanesan mos alumi UNTL no ami orgullu teb-tebes UNTL nia graduadu ida bele sai PR ukun Timor no ami agradese orgullu ba ida nee,” dehan Reitor.

Reitor UNTL nee hatutan normalmente Prezidente Republika haree ba nasaun laran tomak, maibe planu universidade nian mos aposta ba planu estratejiku governu nian.

Planu ba oin Xefe Estadu normalmente haree ba nasaun laran tomak, maibe UNTL nia planu ba oin agora halo hela revizaun ba planu estratejiku universidade nian ba 2021-2030, sei aposta mos ba planu estratejiku governu nian 2011-2030.

Prezidente Republika Francisco Guterres Lú Olo mos simu opiniaun hotu neebe mak hatoo husi Universidade nian, Xefe estadu apoiu tomak universidade nia planu, sempre akompaña nafatin UNTL nia andamentu no disponivel atu bele apoiu tuir nivel kbiit neebe PR iha.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...