UNICEF Hanorin Labarik 115

DILI, STLNEWS.co – UNICEF hanorin labarik hamutuk sentu e quinze, neebe mak hanorin iha resintu eskola sekundariu jeral no 4 Balide, tanba labarik sira nee refujiadus iha Infordepe no protesaun civil.

Cristovao Lopes Rodrigues, hanesan voluntariu husi UNICEF hatete, iha nee sira hanorin labarik sira, liu-liu konaba atividades ba labarik ninia, sira hanorin konaba ABC, inklui hanorin jogus ba labarik sira, animasaun muzika, hodi nunee bele halo labarik sira kontenti liu tan, iha tempu situasaun pendemia nia laran, programa ida nee UNICEF halo kooperasaun ho MSSI no parseiru sira seluk.

“Iha nee ami hanorin hahu iha dia 4 de Abril bainhira inundasaun akontese, entaun komunidade sira hahu paniku, sira hahu refujiadus iha protesaun civil no Infordepe, nee duni ho inisiativa ida nee UNICEF ho parte MSSI, sira halo kooperasaun diak ho parte parseiru sira, para ami bele halo atividades nee, iha loron 7 fulan Abril mai too ohin loron ami sei kontinua halao nafatin. Iha nee ami hanorin liu-liu atividades labarik ninia,” dehan Cristovao ba STL, iha Balide Dili, Segunda (12/07/2021).

Nia dehan, sira mos hanorin tuir gia mata dalan husi UNICEF ninia, oinsa halo meditasaun ba labarik sira, atu nunee labarik sira iha mudansa ka lae, tanba presiza fo meditasaun ba labarik sira nee, labele hanorin deit, tenke di mos atividades seluk ba sira.

Nunee mos, Evangelina Goncalves, hanesan inan husi labarik sira dehan, hanesan inan sente kontenti tebes, tanba bainhira sira refujiadus iha fatin nee, husi UNICEF bele hanorin ona sira nia oan too agora.*

Reportajen: Jacinta Sequeira
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: