UNPAZ Asina Nota Entendimentu Ho SSMD

Universidade da Paz (UNPAZ), liu husi Fakuldade Saude Publika asina nota entendimentu tekniku ho Servisu Saude Munisipiu Dili (SSMD), konaba estudantes sira neebe atu halao estajiu. (Foto: STL/Natalina Lopes)

DILI, STLNEWS.co – Universidade da Paz (UNPAZ), liu husi Fakuldade Saude Publika asina nota entendimentu tekniku ho Servisu Saude Munisipiu Dili (SSMD), konaba estudantes sira neebe atu halao estajiu. Dehan Dekanu Fakuldade Saude Publika UNPAZ, Martinus Nahak liu husi diskursu, iha Salaun UNPAZ, Segunda (01/03/2021).

“Hakarak halo asina nota entendimentu tekniku entre fakuldade ho servisu saude munisipiu Dili, ligadu ho objetivu neebe uluk ita halao tiha ona nomos atu kontinua halao ba oin, liliu ligadu estudu institusional ou magang neebe estudantes saude publika halo. Liga mos ho fasilidade saude sira neebe iha dili bele sai hanesan pratiku ba ita nia estudantes sira ba halo estajiu ka magan iha neeba,” dehan Martinus.

Nia hatutan, durante nee seidauk iha akordu ida sai jestaun ka prokuramente husi servisu saude munisipiu, tanba ida nee tenki liu husi legalidade ida hodi halao atividade sira nee.

“Ho ida nee bemvindu ba diretora, sai hanesan pasu ida mai ami para ita bele hamutuk tanba nuudar instituisaun Universidade privadu sempre kolabora ho instituisaun governu hodi bele iha objetivu ida deit. Oinsa atu prepara ita nia rekursu humanu iha parte area saude publika ninian iha Timor bele lao diak,” tenik nia.

Iha fatin hanesan Diretora Servisu Saude Munisipiu Dili, Agustinha Segurado dehan, objetivu ida ohin ejizensia husi Saude Munisipiu Dili (SMD), hanesan mos iha faze inisiu hodi hadia diak liutan ita nia kooperasaun.

“Hau hakarak atu dehan modelu simples tanba hau hakarak asegura katak, memorandu tekniku deit laos amburela, ida neebe boot liu Ministeriu Saude maka tenki prepara intermu memorandu ida diak liu mahon ba hotu-hotu. maibe ejizensia husi hau nia parte tanba hau iha responsabilidade ida mos hakarak asegura hotu ba ita nia alin sira hotu iha area saude, inklui saude publika pilar ida importante no rekursu importante tebes iha Ministeriu Saude,” informa nia.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here