UNPAZ Laiha Klase Paralelu

DILI, STLNEWS.co – Dadaun nee Universidade da Paz (UNPAZ), laiha ona klase paralelu, maibe muda fali ba klase normal iha munisipiu tolu mak hanesan munisipiu Liquiça, Ermera, no Covalima.

“Agora iha Liquiça fakuldade rua mak permanente iha neeba, mak fakuldade engenaria no fakuldade teknolojia agrikola, sira nee permanente. Estudante sira dader ho bis universidade nian mak lori sira ba, hodi halo prosesu aprendizajen iha neeba, depois loraik bis lori fali sira mai iha Dili. Hau hanoin Covalima no Ermera nee ba funsionariu sira, neebe mak eskola iha tuku 5 loraik too tuku 10 kalan. Uluk klase paralelu neebe mak taka nee tanba atende hotu klase reguler, tanba nee MESSK husu UNPAZ taka, neebe ami taka tiha, depois agora nee ami laiha ona klase paralelu, maibe ami hamosu fali klase normal, katak klase neebe mak iha Dili, hanesan mos iha Ermera, Liquiça, no Covalima,” dehan Reitor UNPAZ, Adolmando Soares Amaral ba STL liu husi telefone, Sesta (07/05/2021).

Nia dehan, prosesu aprendizajen, administrasaun, no atendementu nee kuaze hanesan hotu, tantu iha Ermera, Liquiça ,no Covalima nee kuaze hanesan deit tanba laiha ona programa klase paralelu, maibe neebe mak iha nee klase normal, uluk klase paralelu nee tanba aluga deit ema nian fatin, maibe agora la aluga ona fatin.

“Ami agora halo rasik investimentu hodi halo infransturtura, iha Liquiça ami halo andar tolu (3) inklui iha Ermera, kampus neebe mak iha munisipiu nee ami halo andar tolu, nee klase normal ona, la hanesan ho uluk. Agora iha munisipiu Liquiça nee kuaze tres mil e tal estudantes, no fakuldade rua neebe ohin hau temi nee mak permanente, dosentes husi fakuldade rua nee sira ba hotu iha neeba, tanba dader bis tula dosentes no estudantes husi Dili ba Liquiça, agora iha Munisipiu Ermera ami nian dosentes permanente,” nia afirma.

Nia sublina, atividades aprendizajen iha munisipiu Covalima mos hanesan hotu iha Dili ninia, agora dadaun sira rekruta hela dosentes lokal iha neeba, iha padre sira neebe apoiu mata kuliah hanesan iha lian Portugues no Tetun, nee ba padre sira, maibe dosentes ba materia espesializada sira nee sira rekruta ema neebe mak hatama Curriculum Vitae (CV) mai iha universidade.

Iha fatin seluk, Amandio de Jesus, hanesan estudante UNPAZ iha Munisipiu Covalima, liu husi telefone dehan, bainhira seidauk aplika SS nee prosesu aprendizajen kontinua lao hanesan baibain, maibe ho situasaun dadaun Covid-19, dala ruma lao no dala ruma atividades aprendizajen paradu.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: