UNPAZ Prepara Halo Graduasaun Ba Finalista

DILI, STLNEWS.co – Universidade da Paz (UNPAZ), prepara halao graduasaun ba estudantes finalista hamutuk mil e duzentus iha fulan Dezembru tinan nee.

“Ami nian prosesu lao nafatin tuir kalendariu akademika, ami aprova atu regulariza atividades akademika ba tinan tomak, neebe ami nian estajiu sosiais mos remata ona, agora sira kontinua ba halo peskiza, atu bele hetan dadus mai sira nian obra sientifiku, lori mai depende ba ezame ikus ba sira nian obra sientifiku, depois tuir kalendariu akademika katak, tinan ida nee UNPAZ sei halo graduasaun iha loron 21 fulan Dezembru tinan 2021. Purtantu tuir dadus neebe mak haree iha estajiu sosiais foin dadauk nee hamutuk mil e duzentus estudantes finalista neebe prepara atu ba graduasaun iha fulan Dezembru tinan 2021 ninia,” dehan Reitor UNPAZ, Adolmando Soares Amaral ba STL, iha nia knaar fatin, Segunda (23/08/2021).

Reitor UNPAZ, Adolmando Soares Amaral, hatete estudantes finalista neebe mak prepara tinan nee atu halao graduasaun nee, kompostu mai husi fakuldade 6, neebe mak eziste iha Universidade da Paz no programa estudu 20, depois aunenta tan mai husi programa mestradu ninia, programa mestradu nee bai – bain graduasaun la to’o lima nulu (50), tanba kada programa estudu ida bele hetan lima (5) ou sanulu (10).

Entretantu, Vise Reitor I, asuntu akademika IOB, Antonio Soares Martins, afirma, preparasaun ba graduasaun IOB nian, agora dadaun elabora hela dadus sira hodi lori ba Ministru Ensinu Superiór, Siénsia no Kultura (MESSK). Tuir Planu estudantes finalista IOB nian besik 400, yudisium ona 252 no loron 18 sei iha tan yudisium ba etapa II, planu ba graduasaun iha fulan Outubru nian laran.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: