UNPAZ Preparadu Halao Graduasaun

DILI, STLNEWS.co – Universidade da Paz (UNPAZ) preparadu atu halao graduasaun ba finalista hamutuk mil e duzentos (1200).

Tuir Reitor UNPAZ Adolmando Soares Amaral dehan, dadaun nee sira hahu iha preparasaun neebe mak diak, liu – liu ba serimónia graduasaun ba finalista sira, maske graduasaun nee sei halao iha Dezembru nia laran, maibe parte husi universidade nafatin iha preparasaun ba serimonia refere.

“Ami nian total estudantes neebe mak sei partisipa iha graduasaun ba tinan ida nee, tuir kalendariu nee, graduasaun nee sei akontese iha loron 21 fulan Dezembru, nee ba estudantes total mil e duzentos (1200), nee kompostu husi fakuldade 6, programa estudu 20 iha nivel lisensiatura, no programa estudu hitu, nee iha nivel mastradu ninia. Konaba ami nian preparasaun ba graduasaun nee, hau hanoin tuir kalendariu akademiku,” dehan Adolmando ba STL Kinta nee (23/09/2021).

Nia dehan, agora dadaun estudante sira iha hela terenu, tanba sira halo peskiza obra sentifiku, tanba sira mai depende ona ba rezultadu peskiza, depois sira bele partisipa iha atividades seluk, nomos sira bele partisipa iha serimonia graduasaun, neebe mak sei halao iha loron 21 fulan Dezembru tinan nee.

Iha fatin la hanesan, Vise Reitor I, asuntu akademiku IOB Antonio Soares Martins dehan, tuir planu neebe mak iha, sira nian finalista atu graduasaun nee besik quatrocentos (400) yudisium ona duzentos e cinquenta e dois (252), depois iha loron 18 sei iha tan yudisium ba etapa II, planu ba graduasaun iha fulan Outubru nia laran.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...