UNPAZ Prosesu Aprendizajen Uza Lia Tetun

Reitor Universidade Da Paz, Adolmando Soares Amaral. (Foto: STL)

DILI, STLNEWS.co – Reitor Universidade da Paz (UNPAZ), Adolmando Soares Amaral hatete, dosente sira prepara materia sira hotu ho lian Tetun, hodi hanorin estudante sira iha aula prosesu aprendizajen.

Nia haktuir, tinan barak iha UNPAZ prosesu aprendizajen lao ho lian Melayu, depois mandatu harmoniza prosesu aprendizajen tomak ho lian Tetun.

Tanba nee maka hamosu mata dalan barak-barak ba materia sira, no halo mata dalan ba asuntu akademiku, oinsa lia Tetun bele sai lian ida ba prosesu aprendizajen iha UNPAZ.

“Ami fiar katak lia tetun seidauk sistematiku, diak liu hahu agora depois lao ami inventariza problema sira bele ajusta no hadia no fin no loron ruma sai tetun neebe diak,” dehan Adolmando ba jornalista sira, iha knaar fatin UNPAZ , Segunda (22/02/2021).

Nia esplika, uza lia Tetun ba prosesu aprendizajen iha tinan 2020 ba obras sientifiku sira neebe finalista sira, ba peskiza mos rezultadu hakerek ho Tetun. Lori rezultadu peskiza ba ezame evalua no fo valor ba sira, material lian Tetun hanorin iha tinan kotuk, agora dadaun materia hotu-hotu iha UNPAZ prepara ho lian Tetun.

“Ita hakarak Tetun neebe ideal nee, iha tempu agora ho limitasaun oin-oin iha ita nia rain nee susar, diak liu organiza tiha aan ita implementa dadaun, depois haree frakeza sira hadia,” hatete Adolmando.

Nia informa liu tan, hakatak ideal kedas imposivel, tanba nee maka hahu depois iha implementasaun hodi haree no frakeza sira neebe atu hadia.*

Reportajen: Joaninha Belo/Blandina Mauno
Editora: Domingas Gomes

LEAVE A REPLY

Please enter your comment!
Please enter your name here