UNPAZ Reativa Aprendizajen, IOB Hein Karta

DILI, STLNEWS.co – Universidade da Paz (UNPAZ) hahu ohin reativa ona prosesu aprendizajen prezensial hanesan baibain, entretantu Institute Of Business (IOB) sei hein karta sirkular husi Ministru Ensinu Superiór, Siénsia no Kultura (MESSK).

Tuir Reitor UNPAZ Adolmando Soares Amaral afirma, inprinsipiu UNPAZ hahu Segunda ohin halao ona prosesu aprendizajen prezensial, tanba nee aprendizajen hahu lao normal hanesan baibain, tuir sira nian konsiderasaun katak, desizaun neebe hamosu husi Konsellu Ministru (KM) nee aas liu desizaun husi lina ministeriais nian, tanba hotu – hotu ba iha KM ho Primeiru Ministru hodi foti desizaun ida nee.

“Ami kaer ba desizaun neebe deside liu husi KM, se agora tun mai fali kraik iha lina kordenasaun hanesan MESSK sei hein fali autorizasaun Ministeriu Saude (MS), atu deskuti para oinsa atu reativa aprendizajen hahu husi ensinu baziku to’o ba iha ensinu superior. UNPAZ la hein paraser husi MS, tanba ami konsidera iha ona asaun ida desizaun aas liu husi KM, maibe laos husi MS, maibe oinsa mak MS atu bele asegura desizaun neebe mai husi KM,” dehan Adolmando ba STL liu husi telefone Segunda nee (13/09/2021).

Adolmando salienta, hahu ohin atividades prosesu prezensial iha Universidade da Paz, no agora dadaun dosentes sira halo hela atendimentu estudante sira iha sala laran, KM halo ona desizaun, nee sira la viola regras ida, tanba desizaun liu husi KM fo sai ona katak, Konfinamentu Obrigatoriu iha Munisipiu Dili livre ona, nee sira atu viola tan saida.

Iha sorin seluk Vise Reitor, Asuntu Akademiku IOB, Antonio Soares Martins hatete, hanesan Institusaun Ensinu Superior Privadu, maibe nafatin iha kontrolu MESSK, tanba  nee sira hein hela karta sirkular husi MESSK hodi reativa fila fali aula prezensial.

“Ami hanesan IES Privadu, ami nafatin hein karta sirkular husi MESSK, atu nunee reativa hikas aula prezensial ba ami nian estudante sira,” dehan nia.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: