Estudante UNTL CS, Remata Estajiadu Iha Knua STL

DILI, STLNEWS.co – Estudante husi Eskola Universidade Nasional Timor-Lorosae (UNTL), nain 5 neebe kompostu husi mane nain rua no feto nain tolu rema ona sira nia estajiu iha knua Suara Timor-Lorosae STLCorp durante fulan 2.

Tuir repdel STL, Domingas Gomes, lori mos ho instituisaun STL hato’o agradese ba UNTL departamentu Komunikasaun Sosial, tanba nafatin tau konfiansa ba media STL hodi haruka nia estudante sira mai estajiu iha knua STL nee rasik.

Maske nunee nia hatete, STL nafatin nakloke ba ema hotu liuliu ba eskola universidade sira iha Dili laran, neebe mak atu kontinua estajiu ba futuru.

“Ami agradese ba UNTL sira departamentu Komunikasaun Sosial nian neebe mak durante nee ita fo ona konfiansa ba malu, i sempre haruka estudante sira mai estajiu iha STL, to’o ohin loron remata sira nia estajiu,” dehan nia iha nia knaar fatin Salaun Enkontru STL Surikmas Dili, Kinta (26/08/2021).

Nia hatete, durante sira halo estajiadu mos hanesan ajuda i kontribui ba jornal, online, nomos televizaun, ba televizaun nian laos loron – loron, maibe dala ida ou rua sira halo. Relasaun entre UNTL ho STL nee laos foin hahu, maibe kleur ona, tanba nee ba oin sei nafatin simu etapa sira neebe mak ba oin sei mai tan.

Iha biban nee, asistente Dosente Departamentu Komunikasaun Sosial  hanesan mos reprezentante, profesora Komunikasaun Sosial, Regina Seuc Seran das Dores, agradese tebes ba iha STL, tanba  fo ona oportunidade ba sira nia estudante atu aprende barak, tanba iha eskola aula mos sira sempre hanorin teoria no pratika.

Tanba sira mos aprende konaba media oinsa mak atu halo editing ba media sira, liu – liu ba media imprime, eletronika, nomos ba media online.

Nia hatutan, sira mos sei nafatin delega sira nia estudante sira neebe mak atu kompleta sira nia estajiu, tanba nee sira mos kumpre regras sira neebe mak iha ona katak, tenke kompleta vasina mak bele mai kontinua estajiu iha knua STL nee, tanba haree ba situasaun pandemia Covid-19.

Entretantu Estudante Estajiadu Komunikasaun Sosial, Deonizia Tilman dos Reis, agradese ba ema neebe mak durante nee akompana ona sira nia prosesu estajiu nee to remata.

Nia hatutan, maske iha situasaun Covid-19 nia laran, maibe sira nafatin tenta no hadia failansu sira neebe mak sira enfrenta durante situasaun pandemia Covid-19 to’o remata sira nia estajiu.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: