UNTL Simu Materia Geopolitika No Geoestrategika

DILI, STLNEWS.co – Estudante Fakuldade Ciensia Social Politika (FCSP) Semester IV UNTL nain 150 simu materia Geopolitika no Geoestrategika husi Instituto de Defesa Nasional Timor Leste (IDN-TL) durante semana rua. Materia rua nee fo husi Diretor IDN-TL, Capitão-de-Mar-e-Guerra “Cmd”,

Professor Doutor Donaciano Costa Gomes “Pedro Klamar Fuik” iha Auditorio Pateo Dili. Programa nee hahu dia 19 Outobro 2020. Iha loron primeiru nee, materia fo ba Turma A ho total estudante nain 70 resin. Ba Turma B, total estudante nain 70 resin,” nia afirma.

Fundamentu prinsipal husi materia nee, oinsa estudante sira bele aprende geopolitika no geoestrategika, para aumenta sira nia koiñesementu teoriku. Ho nunee, sira bele utiliza lokalizasaun hanesan ponte ida hodi halao estrategia politika.

Aleinde nee, sira aprende konaba Dezenvolvimentu Defeza no Seguransa, Ekonomia, Saude, potensia no riqueza TL, inklui analisa prevensaun konflitus. Materia hirak nee, faz parte hotu iha unidade kurikular ida nee. Nunee esplika Diretor Akademia IDN-TL, Guilherme Soares ba jornalista Sira iha Auditorio Pateo, Dili, Tersa (20/10/2020).
Nia dehan, Diretor IDN Capitão-de-Mar-e-Guerra “Cmd” Professor Doutor Donaciano Costa Gomes “ Pedro Klamar Fuik” especialista iha area Geopolitika no Geoestrategika.

Iha tinan kotuk, IDN-TL halao ona formasaun ba estudante UNTL nain 150 pessoas. Agora aumenta estudante nain 150 ba turma A no turma B. Tempu hanorin estudante sira, hamutuk oras 36, tuir orário neebe FCSP fo ba IDN. Semana ida sorumutu dala haat, kada sorumutu durante oras 2.
Formasaun ida nee, nia dehan importante. Ho nunee IDN iha prespetiva ba estudante sira, hanesan líder ba futuru antes sira atinji espetativa nee sira presiza formasaun ida hanesan nee , oinsa bele sinkroniza hodi enkuandra mos politika externo no globalizasaun nasaun nian.
Formasaun nee realiza bazea ba akordu koperasaun IDN no UNTL neebe asina iha Janeiro 2020, iha Palacio Governo. Serimonia asina akordu nee hetan sasin husi Diretora FDCH.

Akordusaun nee hatete, dosente IDN bele hanorin iha UNTL, inklui mos dosente UNTL bele hanorin no halo formasaun sira neebe realiza husi IDN.

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

AHDMTL Relata Preokupasaun Servisu MS No Jaringan Lento Ba PR

DILI, STLNEWS.co — Asosiasaun Halibur Defisiensia Matan Timor-Leste (AHDMTL), relata preokupasaun serbisu Ministeriu Saude nia nomos jaringan lento ba Prezidente Republika Francisco Guterres Lú...

FKHTL Entrega Uma Ba Oan Kiak

DILI, STLNEWS.co - Forum Karidade Humanitaria Timor Leste (FKHTL), entrega uma ba oan kiak Fernanda da Costa Ranguel no Tomazia da Costa Ranguel. Prezidente FKHTL,...

Horta Husu Joven Labele Soe Lixu Arbiru

DILI, STLNEWS.co - Premiadu Nobel da Paz, Jose Manuel Ramos Horta, husu joven sira keta soe lixu arbiru, wainhira halao serimonia ruma iha fatin...
%d bloggers like this: