Verdial Husu Governu Reativa Atividade Eskola

DILI, STLNEWS.co – Prezidente Komisaun G neebe trata asuntu konaba edukasaun, Deputadu Antonio Verdial, husu ba governu atu reativia hikas atividade eskola, atu nunee estudante sira bele halao fila fali aula aprendizajen.

Tuir Prezidente komisaun G, Deputadu Antonio Verdial dehan, haree ba situasaun real neebe mak governu halo espesial iha Munisipiu Dili, governu loke fila fali ona, maibe haree estudante sira seidauk eskola, nuudar reprezentante povu sei la dukur ba halerik neebe mai husi inan aman no oan sira, neebe eskola iha sekudaria no universitariu sira.

“Agradese ba governu neebe loke ona Konfinamentu Obrigatoriu (KO), maibe hanesan reprezentante povu bainhira tuun ba terenu sempre haree i rona saida mak povu sira tatoli, no observa tuir saida mak hau haree espesialmente ba iha area edukasaun nian,” dehan nia ba jornalista sira iha PN, Segunda nee (13/09/2021).

Nia afirma, liu husi fiskalizasaun hotu neebe komisaun G halo iha teritoriu tomak, no mai iha PN hato’o liu husi intervensaun husi deputadu sira konaba problema neebe haree iha terenu.

“Hau atu haatete inan aman sira sente, oan sira neebe agora dadaun la eskola nee, sira husu ba governu da-8 konstituisional espesialmente ba Ministeriu Edukasaun, Juventude, no Desportu (MEJD), favor da rona povu nia halerik tenke loke fali eskoka hodi aula aprendizajen bele komesa,” afirma nia.

Tanba nee hanesan reprezentante povu sei la taka matan no rona nafatin, i sei koalia liu husi plenaria, tanba bainhira atu halao dezenvolvimentu diak nee iha edukasaun nia liman.

Situasaun ida nee espesialmente iha area edukasaun presija tebes governu, tenke hatan ho seriedade, atu nunee bele hatan ba povu nia halerik, tanba estudante sira iha ona abitu para eskola loron – loron.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: