2020 IADE Kapasita Emprezariu Timoroan 700 Resin

Diretor Ezekutivu IADE, Filomeno Marcelino Belo. (Foto: STL/Jacinta Sequeira)

DILI, STLNEWS.co – Atu eleva kapasidade no konesementu setor privadu sira nian iha rai laran maka, Institute de Apoiu de Emprezarial (IADE) kapasita ona emprezariu Timor oan barak tebes no iha tinan 2020 kapasita ona ema kuaze 700 resin, formasaun nee realize tanba, koopera hamutuk ho entidade tomak.

“Hau hanoin durante IADE hamrik, ami fo ona formasaun ba emprezariu Timor oan barak no iha tinan 2020 nia laran ami konsege kapasita emprezariu Timor oan besik 700, no formasaun nee ami realiza iha situsaun neebe defisil, tanba servisu hamutuk ho parte relevante sira,” kestaun nee fo sai husi Diretor Ezekutivu IADE, Filomeno Marcelino Belo ba STL, Kuarta (27/01/2021) iha Salaun João Paulo II, Comoro.

Nia afirma, ema sira neebe maka tuir ona formasaun iha IADE nee, barak maka progresu, sira nia atividade lao diak, tanba nee tuir akompaniamentu IADE hare katak maioria formadu sira nee lao susesu tebes, tanba bainhira tuir formasaun, sira nia atividade lao tiha ona, no tuir formasaun atu kompleta deit sira nia jestaun.

Formasaun neebe maka durante nee IADE fo ba formadu sira nee, foka liu ba mediu peqenas empreza, tanba nee 2021 IADE nafatin kapasita negosiante kiik sira, nomos setor privadu sira, oinsa atu halo kestaun ba sira nia negosiu no halo kestaun ba sira nia kompania, tan nee iha 2020 nia laran atividade hotu la lao, maibe IADE nafatin halao nia knaar hodi kapasita setor privadu no negosiante kiik sira, politika ida nee IADE nafatin halo.*

Reportajen: Madalena Horta/Jacinta Sequira
Editora: Carme Ximenes

LEAVE A REPLY

Please enter your comment!
Please enter your name here