2020 Importasaun Barak Liu Sumente-Fos

Iha tinan 2020 nia laran, sasan importasaun neebe tama iha Portu Dili maka hanesan, fos, sumente no nesesidade baziku. (Foto Ilustrasaun: GSE)

DILI, STLNEWS.co – Iha tinan 2020 nia laran, sasan importasaun neebe tama iha Portu Dili maka hanesan, fos, sumente no nesesidade baziku.

Liu husi interveista Vogal I Aportil, Jose Madeira Marques hateten, sasan importasaun neebe tama iha Portu Dili, iha tinan 2020, fulan Janeiru ro 5 maka atraka, lori sumente rihun 2600 ton no fos 2700 ton, Fevereiru ro 9 karga jeral hanesan fos 8800 ton no nesesidade sira seluk, Marsu ro 8 maka lori semente toneladas 13, fos 4200 ton, Abril ro kargu jeral tula sumente 2400 ton, Maiu ro 7 karga jeral inklui fos tonelada rihun 8 resin, Junnu ro 5 lori sumente tonelada rihun 14.

Iha fulan Jullu ro atraka karga jeral 8, tula sumente rihun 17 tonelada no fos 490 toneladas, Agostu ro 8 tula karega jeral sumente rihun 12 ton, fos 14 ribu ton, no ro nee tula mos sasan sira seluk.

Setembru ro 8 maka atraka, tula sumente rihun 11 tonelada, fos 2700 toneladas, Outubru ro tula semente rihun atus 200 resin, fos tonelasa rihun 10 resin, Novembru ro 10 maka atraka tula semente rihun 2000 ton, fos laiha, no iha Dezembru ro ida deit maka mai atraka tula deit sumente.

”Hau hanoin sasan neebe tama makas iha portu Dili, iha tinan 2020 nia laran nee, barak liu maka sumente, fos nomos nesesidade baziku, tanba TL hanesan nasaun neebe depende makas ba produtu importasaun,” kestaun nee fo sai husi Vogal I Aportil Jose Madeira Marques ba STL, Segunda (11/01/2020), iha nia knaar fatin Portu Dili.

Nia mos afirma liu tan katak, ro sira neebe bolu halo karga jeral nee, laos tula deit sumente ou fos, maibe sasan hotu hotu tula iha laran, konforme kompania importador sira, maibe tuir Aportil nia hare sasan neebe tama barak liu iha tinan 2020 nia laran nee maka, fos ho sumente, tanba sumente ba neebe halo atu halo uma, no fos ba ema atu konsume, tan nee produtu rua nee numeru aas tebe iha importasaun.*

Reportajen: Madalena Horta/Jacinta Sequira
Editor: Ekipa STL

LEAVE A REPLY

Please enter your comment!
Please enter your name here