60% Ba Salariu Traballador Laiha Ona

Prezidente Institutu Nasional Siguransa Soial (INSS), Longuinhos Armando. (Foto: STL/Claudios de Jesus)

DILI, STLNEWS.co – Programa rekoperasaun ekonomia ba prevensaun pandemia covid-19, laiha ligasaun ho primeiru programa kona-ba pursentu 60 husi parte Fundu Covid ba salariu traballador.

Prezidente Institutu Nasional Siguransa Soial (INSS), Longuinhos Armando informa ba STL iha nian knar fatin MSSI, Kuarta (21/10/2020).

Tuir Longinhos katak, programa subsidiu governu ba prevensaun covid-19 agora lahanesan uluk. Uluk subsidiu neebe governu fo ho motante pursentu 60 fo ajuda diretamente ba trabalhador sira. Maibe programa ida tuir nee governu planu ba rekoperasaun ekonomia.

Programa rekoperasaun ekonomia nee sei haree ba medidas haat (4). Medidas primeiru fo apoio ba sesta bazikas ba kada uma kain, segundu fo apoio ba empreza sira, terseiru fo apoiu ba nonformal ikus maka fo apoiu 6% ba kompania.

Tanba nee, INSS sai hanesan tekniku ida, hodi bele prepara dadus. Agora hein diploma ministerial entre Ministeriu Solidariedade Sosial Inklusaun (MSSI) ho MEKAE, vigora saida maka sei halo tuir.

Kona-ba kriteria ba rekoperasaun ekonomia, katak Longuinhos, relasiona ho asuntu nee seidauk bele fo sai tanba seidauk eskreve iha diploma ministerial.

Tanba buat hotu hanesan anunsiu ou kriteriu bainhira atu bele publika sai persiza eskreve ka vigor iha diploma ministerial. Tanba nee maka ate agora seidauk bele fo sai kona-ba kriteria atu hetan rekoperasaun ekonomia.

INSS sei hein hela diploma husi ministerial liuliu ba kriteriu neebe maka sei fo sai atu nunee bele anunsio ba kompania sira kona-ba dokumentus saida deit maka sei prepara.

Programa rekoperasaun ekonomia nee diferente ho programa primeiru nian. Tanba programa rekoperasaun ekonomia foka liu ba empreza lahanesan primeiru programa. Primeiru programa nee ajuda ba trabalhador sira liu husi 60%.

Nunee mos, iha programa rekoperasaun ekonomia nee, laiha ona ligasaun ho primeiru programa kona-a 60%, neebe foin dadauk nee ajuda 60% ba salariu trabalhador.

Programa rekoperasaun ekonomia nee husi parte Fundu Covid maka sei halo pagamentu, INSS so bele prepara dadus. Programa nee sei implementa durante fulan haat (4) nia laran.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here