75% TL Depende Fos Importasaun

Tuir observasaun Food and Agriculture Organization (FAO) katak 75% TL depende makas ba fos importasaun husi husi rai liur, nee hatudu katak TL seidauk iha sistema neebe adekuadu atu dezenvolve produsaun aihan iha rai laran. (Foto: STL/Madalena Horta)

DILI, STLNEWS.co – Tuir observasaun Food and Agriculture Organization (FAO) katak 75% TL depende makas ba fos importasaun husi husi rai liur, nee hatudu katak TL seidauk iha sistema neebe adekuadu atu dezenvolve produsaun aihan iha rai laran.

Kestaun nee fo sai husi Asisten FAO, reprezentante programa TL, Paula Lopes da Cruz liu husi aprezentasaun programa KONSSANTIL iha Ministeriu Agrikultur e Peska, Tersa (23/02/2021).

“Maski ita orienta ona povu agrikultur sira atu produs, maibe realidade aihan hotu hotu ita sei depende makas ba importsaun husi rai liur, hanesan fos kuaze 75% ita depende ba fos importasaun, ida nee sai hanesan indikasaun boot katak, ita seidauk iha sistema neebe adekuadu atu depende ba agrikultur neebe sustentavel,” dehan Reprezentante FAO.

Nia afirma, tanba TL nia dependensia boot ba importasauan maka, tempu ida nasaun sira nee hasoru problema no deside la faan aihan ba TL, maka susar tebes Timor nia osan bele barak, maibe ema la faan aihan sira nee ba Timor, maka sei sai problema boot, ema bele hamlaha, tanba Timoroan rasik lakohi atu produs, hakarak depende ba importasaun.

Food and Agriculture Organization (FAO). [Foto: Espesial)

“Hau hanoin ho razaun sira nee, atu ita bele tau matan ona ba ita nia agrikultur sira atu produs aihan neebe sustentavel, ho situsaun Covid ida nee orienta ita atu antesipa karik nasaun importador sira nee la importa ona fos mai ita, maka problema boot sei mosu, tan nee hahu agora ita tenke dezenvolve diak liu ita nia setor agrikultur sai diak,” dehan nia.

Iha fatin hanesan Ministru Agrilutura e Peska, Pedro dos Reis hatutan, informasaun neebe maka FAO fo sai nee realidade duni katak, 75% TL sei depende ba fos importasaun husi rai liur.

“Ita foin dezenvolve natar kuaze 19 Mill hektares neebe produs hare kulit foin 81 mill toneladas no dulas ba fos kuaze 38 mill toneladas no liga ba konsume nasional 41 mill toneladas, tanba nee maka ita kontinua importa fo husi rai liur mai,” dehan Ministru. *

Reportajen: Madalena Horta/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here