Abitante 50.619 Iha Munisipiu Ermera Seidauk Simu Sesta Bazika

DILI, STLNEWS.co – Abitante 50.619 husi total populasaun munisipiu Ermera 154.000, seidauk simu sesta bazika husi estadu, tanba razaun sasan neebe sira simu ona nee la tuir osan $50 kada ema. Kestaun nee informa husi Prezidente Autoridade Munisipiu Ermera, Jose Martino dos Santos Soares ba STL liu husi telefone, Tersa (11/05/2021).

Nia dehan, servisu distribuisaun sesta bazika kontinua lao iha suku sira neebe seidauk simu, maibe komunidade sira husi munisipiu refere nafatin kumpre protokolu prevensaun Covid-19 no aplika serka sanitaria.

“Sasan sira neebe simu nee tuir komunidade sira koresponde ba montante orsamentu neebe estadu promete kada ema hetan osan valor $50, maibe komunidade sira konta sasan folin la too valor osan refere, no sasan sira kalkula too deit ho folin $25, tanba nee mak komunidade lamenta ho sasan neebe sira simu la too $50,” nia hateten.

Nia informa, produtu nesesidade bazika neebe kompania kontraktor sira distribui kada suku ho sasan neebe la hanesan, liu liu abitante balun simu produtu naan no balun la simu, tanba kompania neebe la hanesan.

Nia tenik, servisu distribuisaun sesta bazika kontinua lao iha suku sira neebe seidauk simu, maibe nafatin kumpre protokolu prevensaun Covid-19, tanba Ermera aplika serka sanitaria.

Iha fatin seluk Xefe Suku Caicoli, Hipolito Marques hateten, iha munisipiu Dili mos abitante barak seidauk simu sira nia direitu, maibe abitante suku Caicoli sira simu hotu ona iha iha fulan Abril nia laran.

Nia esplika, komunidade sira maioria kestiona valor sasan neebe kompania fo la too $50, maibe agradese tanba bele sustenta sira nia moris iha samana ruma nia laran.

“Ita iha hela serka sanitaria laran, entau ita nafatin fo hanoin komunidade sira atu kumpre regras saude nian hanesan ema hotu simu sira nia direitu tenke uza maskra no mantein distansia durante distribuisaun lao hela,” nia afirma.

Tanba bazea ba dadus subsidiu Covid-19 nian, hatudu total abitante iha suku Caicoli hamutuk 5.961, no sira maioria simu hotu ona sesta bazika.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: