ACCCTO Entrega Nesesidade Bazika Ba XG

DILI, STLNEWS.co – Associação Comercial da Comunidade Chinesa Timorense (ACCCTO) iha Timor-Leste fo apoiu nesesidade bazika ba lider nasional Kay Rala Xanana Gusmão, atu apoiu Timoroan neebe sofre inundasaun no dezastre naturais iha Timor Leste.

Apoia neebe maka ACCCTO oferese ba XG maka hanesan, fos 20 kg hamutuk 125 saka, supermie kaisa 125, bimoli 1,7 liter hamutuk kaixa 40.

Tuir komunikadu imprensa neebe STL asesu iha loron Sesta (04/06/202) katak, sasan sira nee entrega direta husi Prezidente ACCCTO, Kathleen Gonçalves akompania husi membru sira ba Kay Rala Xanana Gusmão nia rezidensia iha Lecidere, Dili.

Xanana Gusmão hatoo agradese ba apoiu husi empreza Xineza Timor oan no estranjerus sira neebe lolo liman hodi ajuda povu sira neebe sofre ba inundasaun no menus aihan.

Eis PM Xanana orgullu ho lideransa Prezidente Associação Comercial da Comunidade Chinesa Timorense (ACCCTO), Kathleen Gonçalves neebe kontinua hatudu nia domin boot, hodi mobiliza komunidade Xineza iha estranejeirus no rai laran hodi tulun Timor oan sira.

“Dala barak ona mana Kathleen halo esforsu koopera ho maluk sira neebe, hela iha Sidney, Austrália, sira maka sempre lori apoiu mai atu fahe ba ita nia populasaun sira neebe presiza iha tempu sira hanesan inundasaun foin lalais,” Xanana agradese.

Durante nee Xanana Gusmão harii ekipa Sekretariadu Apoiu Solidariedade no hetan apoiu husi emprezariu Timor oan no internasional sira hodi halao misaun fo apoiu aihan, roupa no material konstrusaun hodi konstrui uma populasaun neebe mota sobu iha Dili no munisipiu balun.

Iha fatin hanesan, Prezidente Associação Comercial da Comunidade Chinesa Timorense (ACCCTO), Kathleen Gonçalves dehan apoiu hirak nee apoiu husi Prezidente Komunidade Xineza iha Australia, Toni Vong no membru sira hodi ajuda maun boot Xanana no parte Madre Kongregasaun Canosiana Balide no organizasaun seluk tan atu tulun povu sira neebe sofre hamlaha.

Apoiu nee Komunidade Asosiasaun Xineza iha Australia no Timor oan sira iha Dili oferese maka hanesan, foos 425 saka, supermie 425, mina goreng 160 kaixa no seluk tan.

“Apoiu nee fo atu tulun ita nia komunidade sofre inundasaun no ameasa Covid-19 iha ita nia rain, tanba neee Asosiasaun Xineza Timor-oan no iha Australia liu husi sira nia Prezidente Toni Vong ho membru tomak simu pedidu hodi mai entrega ona apoiu ba maun Xanana,” dehan Kathleen.

Kathleen Gonçalves hatutan, sira nia parte sente orgullu, durante nee Xanana organiza empreza Timoroan sira hodi lolo liman hamutuk fó tulun ba hirak neebe presiza nuudar asaun umanitariu neebe pozitivu no importante tebes ba rai Timor-Leste.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: