Agrikultor Presiza Fini Iha Tempu Udan

DILI, STLNEWS.co – Governu liliu Ministeriu Agrikultura e Peskas (MAP) tenke prepra fini neebe diak hodi distribui ba povu agrikultor sira iha area remotas, tanba politika governu nian maka atu hasae produsaun ai-han iha rai laran, agora udan been hahu monu rai ona, tanba nee presiza fini neebe diak.

Kestaun nee fo sai husi autoridade lokal, Fernando Maia ba STL liu husi telefone, Kuarta (03/11/2021).

“Hau hanoin atu hasae produsaun aihan iha rai laran mak governu tenke distribui fini ba povu agrikultor sira, tanba rai barak abandona, tan deit fini laiha no agora udan hahu monu rai presiza fini hodi kuda ba rai bokur sira neebe mamuk,” dehan nia.

Nia afirma, problema neebe mak povu agrikultor sira hasoru durante nee mak fini neebe sira rai hela, la seguru tanba fatin laiha, fini sira nee rai deit iha karon, tan nee laho ho kecoa han hotu, tan nee bain hira udan monu rai, agrikultor sira sempre halerik ba fini, no husu ba MAP atu fasilita fini, liliu povu agrikultor iha Suku Obulo, Postu Administrativu Atsabe, Munisipiu Ermera.

Autoridade lokal nee hatutan, agora udan hahu monu rai ona, agrikultor sira neebe iha fini uituan hahu kuda dadauk ona, maibe balun fini laiha, tanba nee husu MAP atu fo importansia ba povu nia halerik, no fasilita mos kondisaun hanesan bidon hodi tau fini, se lae mak kada tinan sei kontinua husu fini ba governu, hanesan fini batar, hare, fore mungu, fore metan, nomos fini sira seluk, nunee agrikultor sira bele produs hodi hasae produsaun iha rai laran, redus importasaun.

Iha parte seluk, Deputadu Domingos de Carvalho hatutan, agora tempu udan tanba nee husu governu atu distribui fini ba povu agrikultor sira neebe oras nee dadaun presiza hela fini atu kuda.

“Hau hanoin orsamentu atu sosa fini nee ita alokadu tiha ona, tan nee husu ba MAP atu halo identifikasaun ba munisipiu sira neebe mak agrikulor sira presiza fini, atu nunee aloka fini tuir duni nia dalan, tanba politika governu nian mak atu hasae produsaun ai-han iha rai laran,” dehan Deputadu nee.

(len)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...