AHMDTL Apoiu Nesesidade Bazika Ba Defisiensia

DILI, STLNEWS.co – Asosiasaun Halibur Defisiensia Matan Timor Leste (AHDMTL) servisu hamutuk ho Embaixada Nova Zelandia iha Timor Leste no parseiru sira seluk, fo apoiu nesesidade bazika ba maluk defisiensia hamutuk 30.

Diretor Ezekutivu AHMDT, Gaspar Afonso hatete, apoiu aihan nee atu responde deit ba maluk sira nia nesidade kona ba akontesementu iha loron 4 Abril, nomos konfinamentu obrigatoriu nee halo ema labele halo movimentu, liu-liu ema ho difisiensia sira.

“AHDMTL servisu hamutuk ho Embaixada Nova Zelandia, PLAN International no parseiru sira seluk, nunee bele apoiu ba ita nia maluk sira iha situasaun ida hanesan nee, tanba nee maka ohin ami mai iha Suku Bairru-Pite hodi apoiu ba familia uma kain 30 atu bele responde sira nia nesesidade ba loron ida no loron rua nian,” dehan Gaspar ba STL, iha Suku Bairru-Pite, Kuarta (19/05/2021).

Nia dehan, agora ema hotu akompania notisia barak dehan katak ema barak maka agora infrenta no ema barak maka hasoru hamlaha, maibe reprezentante povu sira nafatin dehan ema bosok no politiza, nomos sira dehan ema hakarak hatun governu nee sente katak rai nee atu ba los neebe.

“Se ita nia reprezentante povu maka kondena tiha povu no julga tiha povu hanesan nee, tanba nee maka organizasaun hanesan ema ho defisiensia liu-liu ami sira neebe matan la haree ami uza ami nia neon hodi haree saida maka akontese iha ita nia rai, tanba nee maka objetivu ohin mai apoiu iha Suku Bairtu-Pite atu responde netik maluk defisiensia sira nia moris loron ida ka rua nian,” katak nia.

Iha fatin hanesan, Embaixador Nova Zelandia iha Timor Leste, Phillip Hewitt dehan, Nova Zelandia servisu hamutuk ho Timor Leste fo apoiu ba AHDMTL no nia ekipa.

“Iha Timor Leste ami kontente hodi fo apoiu ba maluk defisiensia matan iha Timor Leste, no hau hakarak fo agradese ba organizasaun AHDMTL ho ninian ekipa neebe reprezentante ba familia defisiensia sira,” haktuir nia.

Nunee mos Xefe Suku Bairru-Pite, João Baptista da Costa Belo dehan, hatoo agradese ba Embaixador Nova Zelandia no organizasaun AHDMTL neebe maka marka prezensa.

“Ohin ita halibur hamutuk iha nee para atu fo ajuda ba maluk defisiensia, balun moris iha suku, aldeia no bairru sira,” dehan Xefe Suku nee.

Reportajen: Natalina Lopes/ Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: