AJATRTL Sei Dezenvolve Turizmu Relijiozu

Vise Ministra MTCI, Inácia da Conceição Texeira. (Foto: Media MTCI)

DILI, STLNEWS.co – Asembleia Jeral Asosiasaun Turizmu Relijiozo iha TL(AJATRTL), hamutuk ho Ministeriu Turizmu Comerisu Industrial (MTCI) realiaza seminar ida, hodi troka hanoin ba malu, oinsa atu dezenvolve turizmu relijiozu iha Timor Leste.

Tuir Vise Ministra MTCI, Inácia da Conceição Texeira hatete louva inisiativa husi relizaun lima, hanesan Katolik, Muslimanu, Protestante, Hindusmu no Fundfucur neebe tau hanoin diak atu promove turizmu relijiozu iha TL.

“Hau hanoin ita tenke troka duni hanoin ba malu, tanba bain hira atu faan Brosur ruma konaba Turismu iha rai laran, maka ema sempre husu uluk konaba situasaun iha rai laran, tan nee buat tolu neebe importante ba ita maka pas, unidade no harmonia, iha nasaun badak bain hira turista sira atu ba vizita situtus Turistiku maka, sira husu uluk asuntu tolu nee, tan nee ho asembleia ida nee ita bele promove Turizmu relijiozu ba Mundu,” dehan Vise Ministra MTCI, Inácia ba jornalista, iha Timor Plaza, Dili, Kinta (19/11/2020).

Nia afirma governu prontu atu kapasita parts relevante sira, tanba agora dadauk governu promove hela Turismu komunitariu nian, fiar katak liu husi programa sira nee parte hirak nee bele kolabora hamutuk hodi dezenvolve area turizmu iha TL.

Tuir Governante nee katak, liga ba situs Turistiku iha TL, laos Relijiozu deit, maibe Hindu nian mos iha Muslimanu no sira seluk nee kuaze iha hotu kedas, tanba nee parte hotu tenke hamutuk hodi haree ba situs turistiku husi reizaun ida idak nian neebe iha.*

Reportajen: Madalena Horta/Natalia Lopes
Editora: Carme Ximenes

LEAVE A REPLY

Please enter your comment!
Please enter your name here