Aldeia Osowake Seidauk Asesu Eletrisidade

BAUCAU, STLNEWS.co – Komunidade iha Aldeia Osowake, Suku Fatulia, Postu Administrativu Venilale, Munisipiu Baucau seidauk asesu eletrisidade no bee mos. Informasaun nee hatoo husi Xefe Suku Fatulia, Angelinho Moises Pereira ba jornalista sira iha nia knaar fatin, Sesta (14/05/2021).

“Komunidade la hetan nafatin deit eletrisidade ida nee, hau nuudar lideransa komunitaria observasaun projetu rua neebe toma konta ba bee mos no eletrisidade, maibe laiha benefisiu ba komunidade, tanba gasta tiha orsamentu kona ba bee nian i bee nee la ba komunidade no kanal kanu sira nee la ba komunidade ba eletrisidade mos la tama nafatin ba komunidade nia uma,” dehan Xefe Suku nee.

Nia hateten, projetu rua neebe mak iha Suku Fatulia ba bee mos no eletrisidade laiha benefisiu ba komunidade iha Aldeia Osowake, Suku Fatulia.

Nuudar lideransa komunitaria, sente triste tebes, tanba eletrisidade nian riin too iha komunidade sira nia varanda maibe seidauk tama ba komunidade nia uma laran, nee duni komunidade obrigatoriu tenke uza lamparina no kamii hodi sunu iha tempo kalan.

Iha fatin hanesan reprezentante komunidade Aldeia Osowake, Atanacio de Sousa sente triste, tanba durante nee kompania harii ona ai riin eletrisidade tama ona iha Aldeia Osowake maibe seidauk dada fiu too Aldeia, situasaun nee obriga komunidade lamparina no kamii iha tempo kalan.

“Ami sente triste tanba iha tempo kalan ami uza lamparina, sei mina rai hotu ami uza fali kamii hodi sunu, hodi ami nia oan sira uza ba estuda iha tempo kalan,” dehan komunidade nee.*

Reportajen: MJ-1
Editora : Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: