Antes Covid-19 Tama, Ekonomia TL Hakdasak Tiha Ona

DILI, STLNEWS.co – Antes pandemia Covid-19 tama TL, ekonomia iha rai laran hakdasak tiha ona, tanba impaktu husi situasaun politika.

Tuir Chief Executive Officer (CEO) Banco Nacional de Comercio de Timor Leste (BNCTL), Brigido Sousa, katak antes Covid-19 tama TL, sosiu ekonomia iha rai laran lao paradu tiha ona, tanba deit situsaun politika neebe lori dezafiu boot ba ekonomia rai laran, Covid-19 tama tan mai, halo ekonomia sai “moras todan” no susar atu hamriik, maibe agora governu halo hela esforsu boot hodi rekupera hikas ekonomia iha rai laran.

Brigido Sousa. (Foto: STL/Donaciano Magalhães)

“Hau hanoin karakteristik politika, sosiu ekonomia em jeral lao hakdasak tebes, tanba nee taxa de pobreza iha tinan 2020 nee 42%, tanba ema barak moris iha lina pobreza nia laran, no Covid ataka tan taxa pobreza nee bele sae too 44%, tanba nee Covid nee mak kontinua sei sai ameasa boot ba ekonomia TL,” kestaun nee fo sai husi CEO BNCTL Brigido Sousa, bainhira sai hanesan orador ba seminariu aniversariu STL TV – Radio ba dala 12 iha Pusat Kebudayan Indonesia (PBI), Tersa (19/10/2021).

Nia mos afirma liu tan katak, kresementu populasaun iha TL sae makas tanba ema barak la servisu, no hela iha uma deit, tanba nee halo taxa populasaun sei sae makaas liu tan.

Aleinde nee, ekonomia TL mos dependensia ba fundu petroliu aas, no osan neebe uza hodi halo investimentu nee mai hotu deit husi fundu petroliu, no reseitas neebe mai husi sasan importasaun nee menus tebes, tanba nee ekonomia mai deit husi fundu petroliu, no setor privadu depende makaas ba projetu governu nian.

Tuir nia investimentu iha rai laran la ekilibriu, liu liu iha area investimentu sira, tanba nee programa prioridade neebe mak governu halo ladun forte, dala ruma hasai despeza investimentu ba prioridade sira neebe iha, no hasai osan la tuir planu prioridade dezenvolvimentu nasional.

Tuir CEO BNCTL nee katak durante situasaun Covid-19 banku sira iha tendensia, utuk osan iha banku maibe la fo kreditu, tanba nee bele sai karakteristika ka impledementu ba dezenvolvimentu iha rai laran, tanba osan la fo sai ema atu kreditu, tanba nee banku ladun halo nia papel hanesan mobiliza depozitu maibe la fo kreditu.

To’o agora banku mobiliza depozitu kuaze billaun US$ 1,2 maibe kreditu neebe banku sira fo la to’o 30%, nee signifika katak banku ladun fo kreditu makaas ba kliente sira hodi diminiza ekonomia TL, tanba nee sai problema boot tanba banku ladun halo nia funsaun entre mediasaun, mobiliza depozitu, maibe la fo kreditu.

Iha fatin hanesan dosente Universidade Nasional Timor Lorosae (UNTL), Januario Correia, hanesan mos orador iha seminariu nee hatutan impaktu husi Covid-19 populasaun mak hasoru barak liu, tanba populasaun nia atividade labele lao diak, no negosiante sira neebe faan modo labele halo sira nia atividade ho diak, tanba nee defikulta tebes ba rendimentu povu kiik nian.

Januario Correia. (Foto: STL/Donaciano Magalhães)

“Covid-19 mai lori dezastre boot ba ekonomia rai laran, tanba antes nee ita hasoru tiha ona impase politika no seidauk rezolve, covid tama tan mai, tanba nee mak halo ekonomia sai hakdasak tebes, no tuir peskiza neebe ami halo durate nee, povu kiik maka sofre liu, tanba atividade paradu,” dehan Dosente UNTL nee.

Nia mos afirma liu tan katak, durante impase politika neebe lao iha rai laran, halo kompania barak mak taka sira nia atividade no Covid-19 mai tan kompania barak kontinua lulun biti, tanba nee fo impaktu ba numeru dezempregu aas, tanba kompania barak kona impaktu husi impase politika no Covid-19.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...