Asegura Traballador Labele Mosu Injustisa

DILI, STLNEWS.co – Deputadu Bankada FRETILIN, Joaquim do Santos hatete, traballador para labele mosu injustisa mak kompania nia obrigasaun selu ba traballador husi EE nee 40%, parte governu nian mak 60% hodi bele asegura nafatin traballador sira.

“Tuir lei neebe ami aprova katak, kompania hetan 60%, nia iha obrigasaun 40%, no governu ajuda tan 60% hodi selu ba traballador sira, entaun 60% nee kompania labele hola hotu ba ninian, maibe nia tenke ajusta ho nia despeza neebe asegura traballador sira para labele mosu injustisa. Neebe ita defende nee justisa, tanba efeitus husi EE nee halo kompania mos sofre resesaun ba ninia produtu de traballu, nee maka governu asumi hanesan obrigasaun estadu ninian atu ajuda,” dehan Deputadu Joaquim ba jornalista sira, iha PN, Dili, Kuarta (12/05/2021).

Nia dehan, agora boa fé ida nee kompania sira labele uza sala fali, nunee mos sidadaun traballador sira mos labele uza sala fali boa fé nee, se akontese simu ona maka kompania tenke koalia didiak hodi halo akordu nee bele rezolve atu labele kria problema foun.

Agora ba kompnia neebe selu ona 100% ba ninia traballador nee, tuir lolos governu antende diretamente ho kompania neebe fo servisiu ba sidadaun sira, maibe agora governu haruka diretamente ba sidadaun nia rekening nee konforme ba nia nain, tanba nee kompania tenke koalia fali ho governu hodi muda mekanismu ba pagamentu subsidiu nee.

Nia afirma, maibe deskonfia mos fo ba iha kompania, kompania la fo, entaun husu ba kompania agora selu ona 100% tebes nee ka lae, nee tenke prova lai. Se 100% maka sidadaun ida neebe simu nee tenke laran diak, se kompania selu ona 100% no ida governu atu rekopera fali nee tenke fo fali ba, hanesan sarani Katolika neebe diak, atu labele kria problema fali ho saida maka laos ita nia diretu.

“Se seidauk simu governu tau iha sira nia rekening, maka kompania hakarak hasai fali nee labele, se selu ona entaun kompania tenke koalia didiak ho sira para bele devolve fali, ka selae dalan iha nee depende kompania atu koalia didiak ho traballador katak, o nia osan nee husik ona ba, no ita konsertu fulan oin o nia osan koa deit mekanismu nee bele hela,” tenik deputadu nee.*

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: