Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co – Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP) hodi hadia fali armajen BOP COP A nian iha Caicoli, neebe nia kondisaun aat ona.

Apoiu nee entrega direita husi koordenador Grupu Emprezsriu Xineza, Rudy Kwan ho ekipa Mama Bolu ba iha komandante COP A, Inspetor polisia, Gregorio Freitas, iha Kompania Alfa Caicoli, Dili 01 Agostu 2021.

Hafoin remata entrega apoiu hirak nee Rudy Kwan, hateten apoiu neebe nia parte fo tuir ho kbiit neebe sira iha kontribui hosi emprezariu joventude Xineza ida idak iha situasaun neebe hasoru.

“Asosiasaun ho Grupu Mama Bolu Timor-Leste foin lalais koalia ho Vise-Ministru Interior, Antonio Armindo kona ba atu hadia fatin balu iha Companhia Alfa BOP tanba dadaun nee sira nia fatin parajen at ona iha tempu naruk too agora seidauk hadia. Entaun Asosiasaun emprezariu joventude Xineza iha inisiativa atu fo apoiu ruma nudar asaun humanidade pozitivu hodi lolo liman hamutuk tulun netik hirak ne’ebe presija, tanba ita hatene katak polisia maka servisu hodi fo asistensia no tau matan ba estabilidade”, dehan Rudy, ba jornalista sira iha COP A Caicoli, domingo nee.

Reprezentante emprezariu Xineza Timor Oan nee relata, material konstrusaun neebe sira apoiu maka hanesan besi kuadradu lolon 60, prafuzu kaixa 5 no kalen metro 6 hamutuk tahan 96.
Iha fatin hanesan, komandante UEP Superintendente Xefi polisia, Orlando Gomes, agradese ba ekipa Mama Bolu neebe ajuda ona BOP COP A.

“Ita agradese tebes ba ekipa mama bolu neebe halo pedidu buka parseria ho Asosiasaun Emprezariu Joventude Xineza sira ne’ebe ho laran luak mai too iha nee hodi apoiu ona ami,” dehan Orlando Gomes.

Komandante UEP nee esplika, esforsu sira nee mai mos husi Vise Ministru Interior Antonio Armindo, neebe envolve mos iha grupu Mama Bolu-PNTL nian.

“Apoiu material konstrusaun nee oferese hafoin iha fulan kotuk Vise-Ministru Interior ho ekipa Grupu Voluntariu Mama Bolu halao vizita diretamente ba haree kondisaun neebe harii husi uma tali tahan no armajen nee konstrui husi GNR sira iha tinan 2012 liuba, daudaun nia kondisaun komesa lahuk ona no iha tempu udan bee tama hodi estraga material serbisu nian,” tenik nia.*

Reportajen: Alberto Menezes
Editor: Crisogono Magalhães

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: