Atividade Negosiu Iha Tasi-Tolu Benefisiu Negosiante

DILI, STLNEWS.co – Atividade negosiu neebe lao iha portu entrada Tasi-Tolu kada loron Segunda, Kuarta, no Sesta, fo duni benefisiu ba povu sira neebe lori sira nia produtu husi munisipiu mai faan iha nasional.

Negosiante Maria da Costa, agaradese ba governu tanba bele fo autorizasun ba povu agrikukultur sira lori produtu lokal mai faan iha nasional, maske autorizasaun nee semana ida mai dala tolu deit, maibe nee diak atu modo sira neebe agrikultur sira halo iha foho bele lori mai faan iha nasional, hetan netik osan sustenta familia uma laran.

“Ami agradese ba governu tanba bele fo nafatin autorizasaun ba ami povu kiik atu lori ami nia produtu lokal husi munisipoiu mai faan iha nasional, tanba liu biban ida nee ka mai faan modo tahan neebe ami lori mai nee bele hetan netik osan hodi sosa fali fos ruma hodi lori ba fo han ami nia oan sira iha foho, tan nee agradese tanba ami husi munisipiu bele lori modo mai faan iha Dili, maske ami la lori ba too laran hanesan bai bain, maibe iha deit selamat datang Tasi-Tolu nee mos diak, langganan sira bele mai sosa iha nee,” dehan negosiante Maria da Costa ba STL, Sesta (16/04/2021).

Nia mos afirma liu tan katak, modo neebe sira lori husi munisipiu mai faan iha nasional nee mak hanesan lakeru mutin, lakeru ukir, lakeru tahan, aiferina tahan nomos produtu lokal sira seluk, no produtu sira nee lori mai husi Atabae, Maubara, Liquica, no Ermera.

Tuir observasaun STL nian iha terrenu haree katak, produtu sira nee bainhira lori mai husi munisipiu, negosiante ka langganan husi merkadu Taibesi, merkadu Comoro, no merkadu Manleu mai borong hotu hodi lori ba faan fali ba komprador sira neebe atu sosa.

Aleinde nee, negosiante balun la lao tuir ona protukolu saude nian, hodi la uza maskra maske iha kapital Dili sei establese hela konfinamentu obrigatoriu i serka sanitaria ba prevensaun surtu Covid-19.*

Reportajen: Madalena Horta
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...
%d bloggers like this: