Atividades Arte Paradu

Ho situasaun serka sanitaria ka lackdwon neebe implementa iha kapital Dili, halo atividade arte iha organizasaun Ahisaun Fatuhada paradu, tanba ema la ba sosa. (Foto: STL)

DILI, STLNEWS.co – Ho situasaun serka sanitaria ka lackdwon neebe implementa iha kapital Dili, halo atividade arte iha organizasaun Ahisaun Fatuhada paradu, tanba ema la ba sosa.

Lia hirak nee hatoo husi, Leopoldino Correia Mesquita, hanesan responsabel halo arte iha Ahisaun, ba STL iha nia knaar fatin Ahisaun Fatuhada Dili, Tersa (09/03/2021).

Nia dehan atividades hanesan halo arte kontinua halo nafatin, maibe ho lockdown dadaun nee, halo sira nian atividades arte nee paradu, tanba sira halo mos hanesan deit ema la mai sosa.

“Ho lockdwon dadaun nee, ami nian atividades arte mos paradu, maibe durante nee ami nian atividades nee lao hanesan bai-bain, ho situasaun Covid-19 mak halo atividades hirak nee bele paradu, durante nee ami halo arte nee, uma adat, hakerek ema nian naran no seluk tan,” dehan nia.

Nia dehan, hanesan defisiente maibe sempre iha talentu nafatin, tanba liu husi arte ida nee, bele aumenta sira nian koinesementu ba area ida nee, maibe durante infrenta Covid-19 halo sira nian atividades arte nee paradu.

“Maski ami ho kondisaun nunee, maibe sempre iha talentu nafatin ba area ida nee, ami halo uma adat, hakerek ema nian naran, no seluk tan, ida nee ba hau hanesan talentu furak ida mai hau, para bele aumenta hau nian koinesementu, para nunee ita labele lakon oportunidade hirak nee atu aprende,” nia dehan.*

Reportajen: Jacinta Sequeira/Blandina Mauno
Editora: Carme Ximenes

LEAVE A REPLY

Please enter your comment!
Please enter your name here