Atividades Negosiu Area Remotas Lao Normal

DILI, STLNEWS.co – Iha ambitu pandemia Covid-19, hodi aplika serka sanitaria (SS), maibe atividades negosiu iha area remotas lao mormal hanesan bai-bain, maibe nafatin uza maskra.

Tuir Duarte dos Santos, hanesan loja nain Jamdi katak, maske iha ambitu SS nee kada loron sira hetan rendimentu menus, tanba ema ladun sosa sasan, maibe atividades negosiu no atividades sira seluk lao normal hanesan bai-bain. Bainhira hein loja tenke uza nafatin maskra no prepara bee no sabaun ba konsumedor sira, neebe mak iha sira nian postu administrativu Zumalai, Munisipiu Covalima.

“Hau hanoin ami iha area remotas ida nee, ami nian atibidades negosiu nee lao normal hela, maibe ema sosa sasan mak menus, dala ruma loron ida hetan deit $20 dolar ou $30 dolar deit, maibe hau bele halo komparasaun ida katak, uluk Corona seidauk mosu kada loron hau bele hetan too $200 dolor resin, kona ba presu sasan lao normal hela, hau la faan ona foos, tanba hau mos faan nee sosa tutan husi ema neebe mak ba sosa sasan iha Dili. Ami iha nee bainhira atu lao ba fatin ida tenke uza nafatin maskra, tanba ita hotu tenke kumpri desizaun husi ita nian ulun boot sira, ho regras neebe mak establese ona iha SS nian laran,” dehan Duarte ba STL, liu husi telefone, Tersa (08/06/2021).

Nia dehan, maske kada loron hetan rendimentu menus, maibe loja refere kada loron tenke loke nafatin ba konsumedor hirak neebe mak presiza atu sosa sasan, tanba nee dader tuku 8 tenke loke no kalan tuku 9 liu mak foin taka.

Entretantu Treziano Braganca, hanesan komunidade suku Zulo, aldeia Lale dehan, atividades hotu iha Zumalai lao normal, dala ruma iha loron Kinta merkadu Zumalai sempre rame hela deit, tanba ema hotu lori sira nian sasan ba merkadu, nomos atividades negosiu kada loron lao normal.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: