Avo Domingas La Hetan Rendimentu Iha Tempu Bazar Vila Nova

BAUCAU, STLNEWS.co – Governu implementa serka sanitaria iha Munisipiu Baucau, halo Avo Domingas Belo labele hetan rendimentu diak husi produtu neebe nia faan iha tempu bazar Vila Nova.

Lia hirak nee hato’o husi komunidade Suku Caibada, Domingas Belo ba jornalista bainhira partisipa iha treinamentu neebe realiza husi ACbiit iha eskola EFB Caibada, Sabadu nee (11/09/2021).

Nia hateten, produtu lokal neebe mak dadaun nee nia faan tempu bazar iha merkadu Vila Nova Baucau, la bele hetan rendimentu diak, tanba produtu lokal hanesan forerai lata lima folin dolar ida, no produto seluk mos nia folin la hanesan bain-bain governu seidauk implementa serka sanitaria iha munisipiu nee.

“Uluk nee folin, agora nee la folin liu, tanba buat situasaun la diak nee,” dehan nia.

Nia hatutan, produtu lokal neebe mak faan la folin, deside faan fila fali animal sira neebe mak nia hakiak no tais sira neebe mak nia iha hodi sosa netik foos saku ida hodi konsumu ba fulan balun nian.

Dadaun nee Avo Domingas hamutuk ho nia bei oan mane tinan 7 iha Aldeia Anauaro, Suku Caibada, Postu Administrativu Baucau Vila, Munisipiu Baucau.

Iha fatin seluk komunidade Suku Bahu, Rita da Silva, hateten implementasaun serka sanitaria iha munisipiu Baucau susar ba nia atu hetan rendimentu diak husi produtu lokal neebe mak nia faan.

Nia konta governu seidauk implementa serka sanitaria iha munisipiu nee, produtu neebe mak nia faan hetan rendimentu diak, maibe tempu agora la bele kompara ho tempu seidauk serka sanitaria.

Produtu neebe mak Rita faan, sosa husi ema seluk mak faan fali atu bele hetan osan hodi atende ba nesesidade uma laran.

Dadaun nee inan ferik Rita da Silva hela mesak iha uma ida lokaliza iha Suku Bahu, Postu Administrativu Baucau Vila.

Reportajen: Tomas Reis
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: