Bartolomeu Nia Moris Depende Ba Suku Sapatu

DILI, STLNEWS.co Ho situasaun pandemia Covid-19, prejudika tebes ba povu kiik sira nian atividades, tanba kada loron sira la hetan rendimentu.

Tuir Bartolomeu da Costa Freitas, nuudar povu kiik sente triste ho rendimentu neebe nia hetan durante situasaun pandemia Covid-19. Tanba rendimentu neebe nia hetan la sufisiente atu responde ba nesesidade familia nian.

“Hau hanoin dala ruma loron tomak nee ami hetan rendimentu oituan deit, hodi bele responde ba ami nian nesesidade loron – loron. Dala ruma loron tomak nee ami la hetan rendimentu, tanba foin lalais Konfinamentu Obrigatoriu (KO) nee halo ema hotu hakmatek iha uma la lao ba mai, oinsa mak ami atu hetan rendimentu ida nee,” dehan Bartolomeu ba STL iha Delta, Dili, Kuarta nee (15/09/2021).

Nia hatete, bainhira ema lao ba mai, para bele sosa netik sigaru neebe sira faan, balun bele lori sapatu mai suku, tanba nee, hanesan povu kiik sente hanoin oinsa mak governu bele hanoin ninia komunidade neebe mak moris depende ba atividades negosiu sira nee.

“Hau husu ba governu, atu hanoin mos ami povu kbiit laek neebe fila liman iha dalan ninin. Hanoin ami povu kiik neebe durante nee moris depende liu ba ami nian atividades sira nee, tanba liu husi atividades hirak nee, bele responde ami nian nesesidade loron – loron nian,” tenik nia.

Entretantu Cosme Mendes hatete, KO foin hakotu, foin bele lori sapatu ba suku, tanba durante nee atividades hirak nee paradu no seguransa sira kontinua halo patrolla iha kapital Dili, maibe dadaun nee KO hakotu ona, atividades hotu lao normal.*

Reportajen: Jacinta Sequeira/Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: