Bele Halo Politika, Atividade Ekonomia Tenke Lao

DILI, STLNEWS.co – Governu bele halo politika hotu, maibe atividade ekonomia tenke lao nafatin. Governu bele estabelese estadu emerjensia no serka sanitaria maibe tenke loke dalan hodi fasilita agrikultur sira asesu ba merkadu.

Ba STL, Vise Prezidente Camara Comersiu Industria Timor Leste, (CCI-TL) Rui Castro hateten, governu bele halo politika, maibe tenke loke dalan ba povu kiik sira, atu nunee atividade ekonomia iha rai laran bele lao, karik governu taka dalan ba movimentasaun ekonomia, signifika governu hamate ekonomia no hamate vida nasaun nian.

“Hau hanoin movimentu ekonomia iha rai laran tenke lao nafatin, atu nunee buat hotu labele depende ba governu, labele halerik ba governu, tan nee importante ba ita maka tenke kumpri nafatin regras Organizasaun Mundial saude(OMS) nian fase liman bebeik ho sabaun, uza maskra no distansiamentu sosial, atu nunee ita bele prevene aan husik pandemia surtu Covid -19,” dehan Rui Castro ba STL, Sabadu (01/05/2021) nee iha Salaun João Paulo Comoro.

Nia afirma, governu bele halo politika oin-oin atu prevene povu husi moras mundial nee, maibe tenke loke dalan hodi fasilita atividade ekonomi, no povu aileba labele mate, modo husi Maubisse, Ermera, Liquiça no balsaun husi Manatuto tenke folin nafatin iha merkadu.

Iha parte seluk reprezentante povu iha um Fukun Parlamentu Nasional, Deputadu Domingos de Carvallho hatutan, serka sanitaria nee diak tanba politika governu nian atu prevene povu husi moras Covid, maibe husu atu autoriza nafatin povu agrikultur sira husi munisipiu bele lori nafatin sira nia produtu lokal mai faan iha nasional, tanba rendimentu povu nian depende ba sira nia negosiu.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: