Benefisiariu Suku Obulo Sei Hetan Pagamentu $200

Xefe Suku Interinu Suku Obulo, Postu Adminstrativu Atsabe, Fernando Maia Magno. (Foto: STL/Madalena Horta)

DILI, STLNEWS.co – Xefe de familia hamutuk 34 iha Suku Obulo, Postu Administrativu Atsabe, Munisipiu Ermera neebe la hetan subsidiu $200, iha fulan hirak liu ba nee, agora Ministeriu Solidade Sosial e Inkluzaun (MSSI) hahu halo atu halo pagamentu.

Liu husi Inetrvista Xefe Suku Interinu Suku Obulo, Postu Adminstrativu Atsabe, Fernando Maia Magno hateten, Xefe de familia hamutuk 34 neebe la hetan subsidiu $200 iha fulan hirak liu ba nee, halo ona rekalamasaun mai iha nasional, no tuir planu MSSI sei ba halo pagamentu, tuir data neebe autoridade hetan ona katak, MSSI sei hahu pagamentu iha loron Sesta, Sabadu, no Domingo, tanba nee iha suku Obulo, Xefe de familia neebe seidauk hetan nee hamutuk 34, no sira sei hetan hotu iha segundu faze nee, tanba aprovadu ona husi nasional.

“Ami simu ona informsaun husi MSSI katak, Xefe de familia sira neebe naran tama iha faze reklamasaun ba subsidi $200 nee, MSSI sei halo pagamentu iha loron Sesta, Sabadu, no Domingo, tanba nee iha Suku Obulo total Xefe de familia hamutuk 34 mai seidauk hetan subsidi $200 iha primeiru faze, no Xefe de familia sira nee halo protesta, pois ami halo fali verifikasaun hodi halo reklamasaun ba iha nasional, hodi agora sira bele hetan hotu,” dehan Xefe Suku Interino Suku Obulo, Fernando Maia Magno ba STL, Sesta (08/01/2021) iha Timor Plaza.

Nia mos afirma liu tan katak, Xefe de famila sira neebe atu simu $200 nee, tanba foin dadauk iha fulan hirak liu ba nee, sira nia naran la tama iha lista pagamentu, tanba verifikasaun dadus husi Xefe aldeia sira nee mai la kompletu, tan nee bainhira prosesu pagamentu neebe lao hela, Xefe de familia sira neebe naran laiha lista nee, halo kedan protesta tanba naran laiha lista pagamentu ba $200, tan nee autoridade lokal halo kedan verifikasaun no halo reklamasaun mai iha nasional, no agora hetan ona aprovasaun, fiar katak ema sira nee sei hetan hotu.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here