Bianco: Sesta Bazika Kompania Balu Aproveita Direitu Povu

DILI, STLNEWS.co – Relasiona ho implementasaun programa sesta bazika, neebe iha komunidade balu kritika, deputadu bankada FRETILIN, Antoninho Bianco hatete, iha kompania balu hakarak halimar ho povu nia direitu.

Nia dehan, kona ba sesta bazika povu balu kestiona, bankada FRETILIN mos kestiona, no halo protesta ba kompania sira neebe lafo povu nia direitu, povu sai vitima ba sira nia direitu rasik.

“Sesta bazika lao, iha ema balu kritika, tanba kompania balu fahe sasan la loos, embora programa ida nee diak ba povu maibe iha kompania balu mak fahe diak i balu mak atu aproveita fali povu nia direitu,” kestiona Deputadu Bianco ba jornalista, iha PN, Dili, Sesta (04/06/2021).

Nia espera katak, ministeriu sira neebe ezekuta bele tau matan ba kestaun sira nee, CAC ho instituisaun kompotente tenke tau atensaun atu nunee povu sira labele lakon ba direitu sesta bazika.

Nunee mos Deputadu husi bankada CNRT, Arão Noe hatete, governu hanoin katak fo sesta bazika atu hodi rekopera ekonomia ida nee defisil, tanba fo sasan sira kleur liu semana 2 ou 3.

Tuir nia, fo sesta bazika nee aguente ba semana balu deit, tanba nee ho situasaun agora husik movimentu ka negosiu lao normal maibe importante tuir regras hodi povu labele sofre, laos fo sesta bazika deit, maibe sulan povu.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: