BNCTL Fasilita Kreditu Ba Negosiante

Diretor Ezekutivu ou CEO BNCTL, Brigido de Sousa. (Foto: STL/Natalina Lopes)

DILI, STLNEWS.co – Banku Nasional Comersiu Timor Leste (BNCTL), servisu hamutuk ho Ministeriu Turizmu Komeriu Industria ( MTCI), Fasilita kreditu ba negosiante Ambulante, hodi halao sira nia negosiu.

Lia hirak nee hatoo husi Diretor Ezekutivu ou CEO BNCTL, Brigido de Sousa ba STL, iha nia knaar fatin Timor Plaza, Dili, Kuarta (07/10/2020).

Nia dehan BNCTL asina akordu ida ho MTCI para atu fo kreditu ba negosiante sosial sira. Negosiu sira nee nia orientasaun laos para atu hetan lukru.

Negosiu kiik koan sira nee nia orientasaun nee oinsa loke negosiu, depois sira nia lukru sira nee bele aumentan tan fali ba sira nia negosiu. “Programa ida husi MTCI hamutuk ho BNCTL, ba kreditu ida nee BNCTL fo nia funan nee 3% neebe tun los ona,tanba halo koopersaun ho governu,” dehan Brigido.

Nia haktuir estandar banku BNCTL fo kreditu maka $1,000 mil too $2500 mil, nee ba negosiu sira neebe bele dehan negosiu sosial no ba negosiu sira neebe maka foin hahu atu halo negosiu, sira neebe maka foin atu sai husi sentru treinamentu sira hanesan, makanik, pedreiru no seluk tan.

Maibe sira iha kuinesementu no skil, sira laiha osan ka kapital para atu hola, ezemplu hanesan makaniku sira nia presiza hola savi sira nee, ka nia hanesan peskador ida nia persiza ho makina roo nian, nomos nia presiza halo uma mos atu hola ekipamentus sira halo uma nian.

“Ho ida nee maka banku servisu hamutuk ho MTCI bele fo kreditu ba sira, ho nia funan nee 3% kada tinan,” tenik nia.*

Reportajen: Natalia Lopes
Editora: Carme Ximenes

LEAVE A REPLY

Please enter your comment!
Please enter your name here