BNCTL Inagura Edifisiu Foun Mandarin

DILI, STLNEWS.co – Banku Nasional Comersiu Timor Leste (BNCTL), halo inagurasaun ba edifisiu foun BNCTL iha Mandarin, edifisiu nee halo rehablitasaun ho kustu hamutuk US$ 1.47 milloens, obra nee hahu konstrusaun iha fulan Junu tinan 2020 no konklui iha fulan Junu tinan 2021.

Kestaun nee fo sai husi CEO BNCTL, Brigido de Sousa liu husi nia diskursu, hafoin halo inagurasaun ba edifisiu foun iha Mandarin, Sabadu nee (25/09/2821).

“Orsamentu ba rehabilitasaun edifisiu nee, ita gasta hamutuk US$ 1.47 milloens, tanba kompletu ho nia asesores iha laran, edifisiu foun sukursal Dili nee konklui iha tinan 1 fulan tolu nia laran, maske hasoru dezafiu, tanba Serka Sanitaria (SS) no Konfinamentu Obrigatoriu (KO),  maibe konstrusaun nee lori tempu tinan ida deit,” dehan CEO BNCTL.

Nia afirma liu tan, edifisiu foun nee sei permiti asesu no atendimentu servisu bankaria iha ambiente foun, no kliente sira bele sente konfortavel, bainhira mai vizita edifisiu nee, tanba nee fiar katak, ho edifisiu foun nee BNCTL bele mellora liu tan atendimentu, no kontribui ba dezenvolvimentu nasional.

Iha fatin hanesan, Governador Banku Central TL (BCTL), Abrao de Vasconselhos hatutan, instituisaun Mikro Finansas neebe transforma an ba BNCTL,  lori duni progresu boot, maske durante tinan tolu nia laran TL sofre ba situasaun politika, no agora mai tan fali Covid-19, halo ekonomia negativu, maibe importante ba oin mak, tenke dezenvolve atividade mediu pekenas emprezas, tanba nee husu governu atu fo importansia.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...