BNCTL Presiza Apoiu Husi Prezidente Autoridade RAEOA, Hodi Dezenvolve Ekonomia Oecusse

Prezidente BNCTL ho ekipa halao enkontru ho Prezidente RAEOA, hodi update ba servisu BNCTL nian, durante halao servisu hodi apoiu ba dezenvolvimentu RAEOA bele sai diak liutan, ho nune'e BNCTL presiza apoiu supervizaun husi Prezidente ho ekipa autoridade RAEOA tomak. (Photo: STL News/Claudios de Jesus)

DILI, STLNEWS.co – Prezidente BNCTL ho ekipa halao enkontru ho Prezidente RAEOA, hodi update ba servisu BNCTL nian, durante halao servisu hodi apoiu ba dezenvolvimentu RAEOA bele sai diak liutan, ho nune’e BNCTL presiza apoiu supervizaun husi Prezidente ho ekipa autoridade RAEOA tomak.

Liu husi intervista, Prezidente Konsellu Administrasaun Banco Nacional de Comércio de Timor Leste (BNCTL), Brigido de Sousa hateten katak, nia ho ekipa BNCTL hato’o obrigado ba Prezidente Autoridade Rejiaun Administrativa Espesiál Oecusse Ambeno (RAEOA), Arsénio Paixão Bano, tamba prontu hasoru ekipa BNCTL, bainhira remata hasoru malu ho Prezidente RAEOA, iha edifisiu Zona Espesiál Ekonomia Sosiál Merkadu (ZEESM), Sabadu (22/08/2020).

Nia informa katak objetivu husi inkontru ne’e atu update ba Prezidente RAEOA, konaba servisu sira ne’ebé mak durante ne’e BNCTL halao ona iha Oecusse.

“Saida mak BNCTL planu ona hodi bele apoiu ba dezenvolvimentu RAEOA ba iha futuru, ne’ebé mak tenke alinha ho programa prioridades ne’ebé mak RAEOA hatur, no buat sira ne’e hotu BNCTL labele mesak maibe presiza mos akompanhamentu, apoio, no supervizaun husi Prezidente ho ekipa autoridade RAEOA tomak”

Prezidente BNCTL salenta katak ho apoiu hirak ne’e espera katak bele lao ho bele lori rezultadu diak tuir ema hotu nia hakarak, liliu iha area produtivu sira ne’ebé maka sai prioridade ba governu enjeral, no mos ba RAEOA ne’e rasik. Hanesan iha agrikultura, pekuaria, peskas industria, infrastrutura.

Kontinua ba pagina 2

LEAVE A REPLY

Please enter your comment!
Please enter your name here