BNCTL Sei Ajuda Setor Privadu Hadia Ekonomia TL

DILI, STLNEWS.co – Banku Nasional Comersiu Timor Leste (BNCTL) planu ona atu ajuda setor privadu rai laran, liu husi planu negosiu no planu estratejia ba tinan lima nian, tanba nee, ba futuru BNCTL hakarak apoiu setor privadu sira, liu husi finansiamentu neebe sufisiente.

“Hau hanoin papel BNCTL nian atu ajuda ekonomia TL iha Fututur mak, BNCTL iha ona nia planu atu fasilita setor privadu sira, liu husi finansiamentu neebe sufisiente, pontual, maibe ba liu kreditu produtivu no transformativu sira, signifika ita tenke fo kreditu neebe natoon no sufisiente ba setor provadu sira, tanba kreditu produtivu no transformativu nee, atu dezenvolve ekonomia rai laran,” kestaun nee fo sai husi Diretor/CEO BNCTL, Brigidio Sousa ba STL Kuarta horiseik (29/09/2021) iha nia knaar fatin Mandarin, Dili.

Nia afirma liu tan, kreditu nee tenke pontual katak, prosesamentu ba kreditu nee lalais, kreditu ba setor produtivu nee mak hanesan agrikultura, turismu, peska, industria,mpekuaria, no setor sira neebe bele produs buat ruma, no haree ba situasaun real neebe iha, to’o agora TL sei depende ba foos importasaun, tanba nee BNCTL nia hakarak mak, tenke moderniza tiha povu agrikultor sira, nunee bele hasae produsaun agrikola iha rai laran.

Iha parte seluk, Diretor Kompania Ave Maria Mateus de Araujo hatete, knaar iha hanoin atu fo kreditu ba setor privadu nee diak tebes hodi hadia ekonomi rai laran, maibe setor privadu husi banku atu labele hasae jurus neebe boot, tanba situasaun agora povu halerik tebes ba rendimentu.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...