BNCTL Sei Tau ATM Center Fasilita Kliente

Diretor Ezekutivu/CEO BNCTL, Brigido de Sousa. (Foto: STL/Jacinta Sequeira)

DILI, STLNEWS.co – Politika Banku Nasional Comersiu Timor Leste (BNCTL) ba tinan 2021, sei hari tan fatin Automatic Teller Machine (ATM) Center iha edifisiu BNCTL, Salaun Obrigadu Barak nian, no sei espalla tan kartaun P24 hodi fasilita kliente BNCTL bele foti osan iha banku neebe deit.

Diretor Ezekutivu/CEO BNCTL, Brigido de Sousa hatete, BNCTL harii ona ATM iha fatin fatin, maibe kliente sira hakarak ba sena malu iha banku hodi foti osan, lolos nee ba foti osan iha fatin ATM neebe prepara ona.

Maibe dala ruma kliente sira ba ATM buka maka ida neebe ema rame los nee hodi sena malu, no iha fatin balun mamuk hela, no politika BNCTL nian ba tinan ida nee maka, sei loke tan ATM Center ho nunee bele fasilita kliente labele mai antri iha banku.

”Hare ba fatin ATM neebe lokaliza iha BNCTL Obrigadu Barak nian nee, kliente barak lori sira ATM mai antri, tanba nee maka planu ami nian ba oin, tenke loke tan fatin atm, 5 ou 6 (ATM Center) iha sekusal Obrigadu Barak nian, atu nunee bele fasilita diak liu tan kliente BNCTL nian, labele mai dudu malu tan iha banku,” dehan Diretur Ezekutivu/CEO BNCTL, Brigido Sousa iha BNCTL, Salaun Obrigadu Barak, Caicoli, Kuarta (27/01/2021).

Nia afirma dala ruma kliente sira neebe uza ATM mai antrian deit Timor Plaza. Obrigadu Barak nia oin, no liu fali ba maternidade Fatumeta nia oin nee, Parlamentu nia oin, fatin ATM sira nee ema mamuk, no sena malu nee iha fatin balun deit, tanba nee planu ba oin tenke loke tan atm 5 ou 6 hanesan nee iha sukusal Obrigadu Barak, hodi fasilita kliente sira.*

Reportajen: Madalena Horta/Jacinta Sequira
Editor: Carme Ximenes

LEAVE A REPLY

Please enter your comment!
Please enter your name here