Bolsa Hakbi’it Munisipiu Baucau Hahu Simu Kandidatu

BAUCAU, STLNEWS.co – Programa bolsa hakbi’it neebe mak atu fo apoiu ba familia kbiit laek nia oan atu kontinua iha universidade, Munisipiu Baucau hahu simu ona kandidatu foun.

Informasaun nee hato husi Xefe Departementu Media e Relasaun Publika Selesaun Dokumentus ba Munisipiu Baucau, Maxi Boavida ba jornalista sira iha Edifisiu Educasaun Munisipiu Baucau, Segunda (24/05/2021).

Nia hateten, bolsa hakbi’it nee refere liu ba joven sira neebe mak remata ona ensinu sekundaria ho kondisaun neebe mak mai husi familia kbiit laek duni, nunee VIII Governu Konstituisional loke programa bolsa hakbi’it nee bele ajuda joven sira neebe mak iha kapasidade ou intelektual maibe laiha finanseiru atu kontinua sira nia estudu iha universitariu.

“Bolsa hakbi’it nee prioridade liu ba ita nia alin sira neebe mak remata ona ensinu sekundaria maibe ho kondisaun ida katak sira nee mai husi familia kbiit laek katak inan aman laiha forsa mesmu sira iha kapasidade intelektual maibe laiha kapasidade finansas, entaun VIII Governu Konstituisional iha hanoin diak ida loke mos bolsa foun ida ho naran bolsa hakbi’it,” dehan nia.

Nia afirma, implementa progarama bolsa hakbi’it nee, Ministeiru Edukasaun Ensinu Superior Siensia e Kultura liu husi Fundu Dezenvolvimentu Kapital Umanu servisu hamutuk ho MEJD no mos Ministeiru Solidariedade Social Inkluzaun (MSSI).

Maxi Boavida hatutan, atu tuir bolsa hakbi’it nee tenke iha mos dokumentus bolsa da Mãe nian husi MSSI no deklarasaun husi Xefe Suku atu komprova katak tebes ema kbiit laek duni.

Iha fatin hanesan kanditatu ba bolsa hakbi’it Francisco Manuel da Costa hateten, nia parte sente kontente ho bolsa hakbi’it nee tamba durante nee aman laiha ou fila ona ba mundu susar atu tau matan ba nia estudu kontinua iha universidade.

“Hau kontente ho programa ida nee, tanba programa ida nee ba inan aman neebe mak laiha forsa atu haree oan sira nia estudu iha universidade, hau kontente ho situasaun ida nee mai hau aman laiha sente kontente ho planu governu nian ida nee,” dehan Francisco,

Francisco nudar kanditatu ba bolsa hakbi’it nee husu ba parte kompetente hare didiak ba kanditu sira hotu, tamba kandidatu balun inan aman professor no balun inan aman kompletu, maibe sira nee mak liu iha selesaun nee oinsa loos ho programa bolsa hakbi’it nee.*

Reportajen: MJ-1
Editor: Domingas Gomes

1 COMMENT

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: