CCI-TL Preokupa CAC Kaptura Manajer Loja Balun

Prezidente Camara Comersio no Industria Timor Leste (CCI-TL), Oscar Lima. (Dok. STL)

DILI, STLNEWS.co – Camara Comersio no Industria Timor Leste (CCI-TL), preokupa ho intervensaun husi parte relavente liu liu Comisaun Anti Corupsaun (CAC) neebe kaptura Manajer iha loja balun neebe distribui sasan sesta baziku fohuk ba komunidade sira.

Liu husi intervista Prezidente Camara Comersio no Industria Timor Leste (CCI-TL), Oscar Lima hatete, hanesan Prezidente CCI-TL neebe fo mahon ba setor privadu sira, tenke depende maluk emprezariu sira, tanba ho aktu kapturasaun neebe parte balun halo hasoru manajer loja balun nee, bele hafoer loja nee nia naran, lolos nee CAC haruka uluk karta ba iha loja distribuitor, maibe sira tun kaptura langsung, la hatene lei fo dalan ka lae.

“Ita preokupa lei fo dalan ka lae, atu CAC kaptura loja nain sira nee ka lae, tanba sa mak la haruka karta ruma ba iha loja nain nee no bolu sira mai rezolve halo didiak, laos kaptura ema hodi hafoer naran loja nee nian, ida bele halo Timor oan sira tauk atu halo negosiu,” dehan Prezidente CCI-TL Oscar Lima, ba STL, iha nia knaar fatin Comoro, Segunda (14/12/2020).

Nia afirma bainhira kompania ida halo sala no laiha karta samada ruma, maibe parte relevante tun ba kaptura langsung, ida bele hafoer kompania ka loja nee nia naran hanesan foin dadauk akontese iha Raikotu nee, bele hafoer loja naran.

Karik konsidera malu hanesan Timoroan maka, bolu malu halo didiak, hodi klarifila ba malu katak, tanba sa maka problema nee akontese, modo tahan bele sai kinur hotu nee, husu uluk. Razaun husi kompania laos ba kaptura ema hodi hafoer ema nia naran.

“Hau hanoin ita labele julga malu, se lae maka problema kiik ka boot ami prezariu sira maka sala hela deit, governu ho parte relevante la sala, tanba nee ba oin maka akontese tan hanesan nee fo samada atensaun uluk, laos ba kaer uluk ema nee ladun diak, no husu ba kompania sira neebe mka hetan ona programa sesta bazika hodi distribui sasan konsumedor sira nee tenke iha responsablidade moral atu nunee labele hafoer imi nia loja, hetan rendimentu uituan mos diak,” dehan Prezidente CCI-TL.*

Reportajen: Madalenna Horta/Jacinta Sequira
Editora: Carme Ximenes

LEAVE A REPLY

Please enter your comment!
Please enter your name here