CDC Baucau Hahu Simu Formadu Ba Etapa 12

BAUCAU, STLNEWS.co – Centro Dezenvolvimento Comunitario (CDC) Baucau, hahu simu formadu foun neebe hakarak aprende iha parte agrikultura no espesial iha hortikultura.

Diretor Ezekutivu Centro Desenvolvimento Comunitario (CDC), Vicente Matos Belo, ba STL iha nia knar fatin Tiriloka Kinta (24/06/2021) dehan, agora sira hahu simu formadu foun ba etapa 12.

“Ba etapa ida nee ba etapa 12 ona, no agora ami hahu simu estudante ou formadu foun iha ami nia centro nee, no halai liu ba formasaun agrikultura, espesial ba iha hortikultura, tanba ita iha oportunidade rua, servisu hamutuk ho ita nia estadu no ida ita prepara sira atu ba responde merkadu trabalho hanesan ba Australia.” Dehan Vicente.

Nia hatutan, liu husi formasaun nee mos bele fasilita ona joven sira neebe sai husi CDC fila fali ba ida-idak nia suku, implementa ona dezenvolve iha area hortikultura no liga mos ba programa auto emprego husi Governu.

Dadaun nee governu TL mos ajuda ona uma multi funsaun ba CDC ho medida 12 por 28 M no mos CDC hetan apoiu husi instituisaun rai liu nian neebe durante nee oferese hahan ba formadu sira durante hela iha CDC no mos selu salariu ba formadores sira neebe hanorin iha CDC.

Formadu neebe durante tuir formasaun iha CDC selu deit mak osan registu no kaos nian, maibe ba selu kada fulan nian laiha, CDC oferese kursu gratuito too retama.

Nia husu ba joven iha Timor laran tomak, atu hakbesik an ba centro CDC atu aprende materia modernu agrikultura nian atu hasae kapabilidade agrikultura, nunee bele kompete iha rai liur no rai laran.

Iha fatin hanesan, formada Madalena de Oliveira hateten, teoria no pratika neebe mak nia simu husi CDC, sai hanesan bukae ida ba nia sei implementa fila fali iha nia munisipiu, suku no sei fahe tutan buat neebe mak aprende ona iha CDC.

“Hau promete sei implementa fila fali buat neebe mak hau aprende ona, materia neebe mak durante nee ami aprende no pratika hanesan sai bukae ida mai hau neebe mak ami halo ona hau sei lori fila fali ba hau nia munisipiu no suku atu implementa no fahe ba hau nia inan aman kolega sira iha neeba, neebe mak menus informasaun ba hortikultura nian,” katak Madalena.*

Reportajen: MJ-1
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: