CDITL Apoiu Humanitariu Ba Defisiensia Neebe Afeta Inundasaun

DILI, STLNEWS.co – Centru Dezenvolvimentu Inkluzivu Timor-Leste (CDITL), apoiu nesesidade bazika ba defisiensia neebe maka afeta ba inundasaun no relasiona ho konfinamentu domisialiriu durante aumenta hela deit.

“Ami nia atividade durante nee lao mesmu SS no KO, ami nafatin apoiu nesesidade bazika ba maluk defisiensia sira neebe mak afetadu ba inundasaun no agora dadauk sira la halo movimentu entaun sira preokupa hela nesesidade entaun ami apoiu,” hatete Diretor Ezekutivu Centru Dezenvolvimentu Inkluzivu Timor-Leste (CDITL), Martinho A. O. Guterres ba STL liu husi telefone, Segunda (07/06/2021).

Nia hatutan, apoiu nee sira hetan husi governu liu husi MSSI aloka ba iha ADTL, depois fo ba membru sira neebe mak rejistu hanesan mahon ba ADTL, entaun sira hetan fali husi ADTL, ho ida nee maka halo distribuisaun.

“Apoiu humanitariu sira hanesan foos, bimoli, supermi, no inklui sasan sira seluk,” nia dehan.

Nia relata, durante sira apoiu ona iha area hanesan Postu Cristo Rei mai kobra iha suku Becora, Camea, Balibar no mos ba parte Comoro no Kasnafar Manleuana.

Nia akresenta, apoiu nee ba iha defisiensia tipu hotu-hotu, maibe apoiu ba defisiensia duni maibe lahare ba defisiensia matan, fiziku mos bele hetan hotu.

“Ba oin ami buka meius ba parseiru sira para oinsa suporta nafatin, atu nunee ami bele halo atende emerjensia ba sira ho situasaun ida agora, sira mais vulneravel ba situasaun ida nee, liu-liu ba implementasaun konfinamentu domisialiriu durante nee aumenta hela deit, entaun ami presiza buka nafatin dalan para hetan apoiu, hodi apoiu hirak nee bele distribui fali ba sira,” nia hakotu.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: