CNRT Husu Governu Hasae Salariu Traballador

DILI, STLNEWS.co – Relasiona ho loron traballador neebe sei monu iha loron 1 Maiu tinan nee, Bankada CNRT hakarak hatoo parabens ba traballador Timor-Leste no husu governu hasae salariu ba traballdor sira neebe minimu. Deputadu Bankada CNRT, Arao Noe hatoo Parabens ba traballadores sira hotu iha Timor- Leste, neebe sei komemora loron traballadores iha 01 Maiu.

“Ita hatene katak iha lei maibe buat neebe ema sei preokupa makas liu maka salariu minimu, neebe ita iha salariu $115, hatene katak ida nee lajustu wainhira kompara ho ita nia dezenvolvimentu nasaun nian neeebe lao ho desesidade ekonomika neebe ita iha, hau hanoin ida nee governu halo ona estudu ida profundu atu bele ajusta ona salariu minimu nee tenki hasae, “dehan Arao ba jornalista, iha PN, Kinta, (29/04/2021).

Nia dehan, ho razaun atu hasae ona traballador sira nia salariu tanba dezde iha Primeiru Governu ita estabelese iha $80 mai iha IV Governu iha $115 tanba nee besik ona tinan 10, nunee nee iha ona razaun atu hasae salariu minimu ba traballador sira.

“Ita kalkula husi ekonomia ninian bele hasae $130 – $150, tanba nee ita labele buka atu hasae ida makas liu, ita tenki hare nia impaktu ba iha merkadu, liuliu ba traballodor sira,” dehan deputadu nee.

Nia sublina, kompania sira neebe nia kapital lasufisiente lahase salariu traballdor nian, tanba nee tenke iha estudu analiza ida neebe klean, atu nunee labele fo impaktu ba traballador no empregador. Nunee presiza halo analiza atu bele foti desizaun ida neebe fo satisfas ba traballador no empregador sira.

Deputadu nee fo sujestaun presiza halo sosializasaun makas konaba lei traballador, atu nunee traballador sira bele hatene sira nia direitu no dever, nunee importante tebes atu nunee iha buat ruma akontese, sira bele justisa ba sira nia aan.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: