CNRT Husu Tribunal Pronunsia Legalidade OJE 2020

F-FDTL Selebra Misa Agradesimentu

BAUCAU, STLNEWS.co - FALINTIL Forsa Defeza Timor Leste (F-FDTL), selebra misa agradesimentu ba atividades ezersisiu Cobra 20-2, neebe halao iha suku Nunira,...

Graduadu Uza Matenek Hodi Servi

DILI, STLNEWS.co — Reitor Dili Institute Of Technology (DIT), Alvaro Menezes Amaral, husu ba graduadu DIT atu uza matenek hodi servi familia,...

Formasaun Jornalista Destakadu PN

DILI, STLNEWS.co — Parlamentu Nasional (PN) oferese formasaun kona ba prosesu lejizlativa komun no prosesu lejizlativa espesial ba jornalista destakadu iha PN...

PN Apoiu Rekolla Veteranus Falsu

DILI, STLNEWS.co — Parlamentu Nasional (PPN) prontu fo apoiu politika Asosiasaun neebe servisu rekolla dadus veteranus falsu. Tuir Sekretaria...

LORON SANTU HOTU HOTU NIAN (1 DE NOVEMBRO)

STLNEWS.co - Iha loron ne’e Santa Kreda selebra festa santu no martir sira tomak; sira ne’ebé ema hatene no sira ne’ebé la...

DILI, STLNEWS.co – Bankada CNRT sei husu ba oragaun soberanu Tribunal, atu halo pronunsia ba aprovasaun Orsamentu Jeral Estadu (OJE) 2020 tuir baze legal no kontekstu konstitusional kalae.

Vise Bankada CNRT, Patrocino Fernandes hatete, embora sira dehan governu de faktu no ilgela, maibe obriga aan atu ezekuta osan povu nian sira iha dever atu halo fiskalizasaun, maibe sira mesak labele halo buat ida, tanba nee bankada CNRT sei husu ba orgaun ida neebe iha kompetensia boot liu iha nasaun mak Tribubal atu haree ba aprovasaun OJE 2020.

“Ami husu atu Tribunal halo pronunsiamentu kona ba ezistensia OJE 2020 neebe foin aprova tama iha kontekstu konstitusional kalae. Agora ami haree hela ba kestaun nee, neebe posibilidade ami sei bele hatoo ba tribunal, ami seidauk iha data serteza atu husu ba tribunal maibe ami sei haree hela husi aspetu nee oinsa”, katak Patrocino ba Jornalista, iha PN, Dili, Sesta (09/10/2020).

Patrocino hatete, ida nee persiza Tribunal nia pronunsiamentu, Estadu ida nee ema hotu iha nia dever atu bele hadia ka korresaun. Neebe nia fiar katak Tribunal mos bele ezerse nia funsaun ho diak nudar orgaun judisial, neebe presiza iha situasaun sira hanesan nee nasaun ho estadu presiza sira nia intervensaun hodi hatete netik buat ruma tanba sira mak atu asegura lei sira neebe iha nee lao diak kalae.

Maibe tuir Deputadu CNRT nee katak, sira nia pontu de vista nee katak tuir loos Tibunal lapresiza hein ema ruma ba hatete, maibe Tribunal iha nia obrigasaun tuir konstituisaun artigu 2 para atu bele hasai nia pronunsiamentu nian ba aprovasaun proposta OJE 2020.

Hatan ba kestaun nee Xefe Bankada FRETILIN Francisco Branco katak, se sira husu ba Tribunal atu haree ba legalidade Proposta OJE 2020 ida nee mak loos liu, do que koalia deit, diak liu halo rekusru ba Tribunal atu nunee bele pronunsia.

Tuir nia, FRETIIN prontu ba hatan iha tribunal desde uluk kedas tanba estadu de direitu tenke afirmasaun estadu diretu demokratiku. Tanba ner haree ba proposta OJE 2020 neebe aprova ona iha PN nee tuir duni lei neebe mak iha

Reportajen: Guilhermina Franco / Domingas Soares
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

F-FDTL Selebra Misa Agradesimentu

BAUCAU, STLNEWS.co - FALINTIL Forsa Defeza Timor Leste (F-FDTL), selebra misa agradesimentu ba atividades ezersisiu Cobra 20-2, neebe halao iha suku Nunira,...

Graduadu Uza Matenek Hodi Servi

DILI, STLNEWS.co — Reitor Dili Institute Of Technology (DIT), Alvaro Menezes Amaral, husu ba graduadu DIT atu uza matenek hodi servi familia,...

Formasaun Jornalista Destakadu PN

DILI, STLNEWS.co — Parlamentu Nasional (PN) oferese formasaun kona ba prosesu lejizlativa komun no prosesu lejizlativa espesial ba jornalista destakadu iha PN...
%d bloggers like this: