CNRT Husu Konfiansa Povu Defende KRDTL-FP

Bankada CNRT iha Parlamentu Nasional, husu atu povu fo nafatin konfiansa partidu CNRT, hodi defende Konstituisaun Republika Demokratika Timor-Leste (KRDTL) no Fundu Petroliferu (FP). (Dok: STL)

DILI, STLNEWS.co – Bankada CNRT iha Parlamentu Nasional, husu atu povu fo nafatin konfiansa partidu CNRT, hodi defende Konstituisaun Republika Demokratika Timor-Leste (KRDTL) no Fundu Petroliferu (FP).

Vise Bankada CNRT, Patrocino Fernandes hatete, sira nia pontu de vista CNRT katak OJE nee kaduka ona iha 17-18 Marsu 2020, tanba nee tuir konstituisaun RDTL artigu 86 alina F, Prezidente Republika atu dissolve PN, laos atu harii fali governu kontra konstituisaun.

“Ami hein katak ita boot midia sira sei kontinua fo informasun nee ba povu, ami husu ba povu atu tau nafatin konfiansa no fiar ba partidu ho bankada CNRT, tanba sei nafatin firme luta defende KRDTL nudar lei, defende interese povu no sustentabilidade ba orasemntu no Fundu Petroliferu, sei lafo fatin ba ema atu uza no gasta arbiru osan povu nian,” katak Patrocino liu husi konferensia imprensa Kinta (08/10/2020).

Entretantu yuir observasaun neebe Jornalista STL haree iha terenu, hafoin bankada CNRT vota kontra OJE 2020 iha Final Global, bankada nee hatoo kedas sira nia razaun vota kontra.

Razaun bankada CNRT nian ba vota kontra nee, tanba konsidera governu ilegal neebe hamriik latuir ona konstituisaun ka lei. Hafoin hatoo deklarasaun ba votus kontra deputadu-deputda sira husi bankada CNRT retira kedas husi sala plenariu, mezmu sesaun plenaria ba debate Orsamentu Jeral Estadu 2020 seidauk ensera*

Reportajen: Guilhermina Franco / Domingas Soares
Editora: Carme Ximenes

LEAVE A REPLY

Please enter your comment!
Please enter your name here