Covid-19 Agustina Susar Hetan Osan

DILI, STLNEWS.co – Negosiante Tais Market Colmera Agustina Soares dehan, prezensa Covid-19 iha Timor-Leste, susar tebes hetan osan, tanba komprador menus kompara ho tempu normal.

Agustina dehan, seidauk tama Covid-19 rendimentu lao diak, estranjeiru barak mai Timor no sosa tais, maibe prezensa Covid-19 impaktu tebes ba iha rendimentu, la kleur governu implementa tan Estadu Emerjensia (EE), Serka Sanitaria (SS), Konfinamentu Obrigatoriu (KO) ema book an livre, entaun osan laiha.

 “Covid-19 tama Timor, ami araska tebes hetan osan,” haktuir Agustina Soares ba STL iha Colmera, Kinta nee (16/09/2021).

Nia dehan, tais ema sosa maibe osan ba semana ida ka rua nian, atu sustenta familia liu ida nee laiha, liu – liu kreditu husi Caebauk , ema ladun sosa oinsa atu selu kreditu nee.

Agostina Soares husi Munisipiu Ermera, buka moris iha Dili, depende ba tais, atu sustenta familia, selu oan nia eskola, maibe tan deit Covid-19, ema ladun sosa nia tais, presiza tebes osan, maibe ladun sosa.

Iha biban nee nia husu ba governu atu ajuda netik sira, tanba Covid-19 fo impaktu tebes ba sira nia rendimentu ba moris loron – loron nian.

Tuir Agostina, loron ba loron hein to’o lokraik, dala ruma ema ida rua mai haree deit hakat liu la sosa, seidauk tama Covid-19, estranjeiru barak sosa inkuli Timor, maibe agora nee ladun sosa, estranjeiru mos menus.

Tempu normal kada loron ema sosa barak US$ 100 ba leten, tun fali mak US$ 50, atu laiha los nee lae, ema order mos barak, Covid-19 tama loron ida mos  ema la sosa, tanba osan laiha durante nee iha uma deit, oinsa sira osan iha atu sosa tais, loron – loron osan selu bemo mos saugati deit, tanba hein to’o lokraik mos ema la sosa tais.

Entretantu iha parte seluk, defisiente matan Leonito da Costa Carmonne hatete, KO impaktu duni ba rendimentu, tanba movimentu transporte publiku la lao, hakmatek iha uma oinsa ema bele sosa sasan hanesan pulsa, sigaru, lao iha dalan mos dala ruma ladun sosa.

Nia haktuir, governu implementa KO diak, maibe impaktu ba atividade ekonomia rai laran, maske defisinte matan, maibe la tane liman ba governu, tenke esforsu an luta buka moris.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...