Covid-19 Besik Tinan 2, Afeta Populasaun Hortikultura Aileu

DILI, STLNEWS.co – Covid-19 neebe invade Timor Leste besik tinan 2 afeta tebes ba komunidade hortikultura iha Munisipiu Aileu, tanba laiha rendimentu, mezmu produsaun barak, maibe susar asesu ba merkadoria.

Informa Administrador Munisipiu Aileu Abel da Conceição katak, situasaun Covid-19 nee emjeralmente afeta ba populasaun iha Aileu, mezmu Aileu la tama Serka Sanitaria (SS), maibe tama iha Estadu Emerjensia (EE). I Aileu besik Dili, tanba nee SS implementa iha Dili, movimentu populasaun ba Díli nee limita, ida nee impaktu ba komunidade agrikultor sira, tanba sira pordus ka kuda modo no seluk tan, maibe susar asesu merkadu, bainhira atu faan sira tenke lori tun ba Díli.

“Besik tinan rua ona, Covid-19 invade TL, ida nee komunidade sira nia rendimentu tuun, tanba nee afeta ba sira nia ekonomia, ita haree ba movimentu la livre halo komunidade sira ladun asesu ba merkadoria atu faan sira nia produtu. Tanba komunidade sira atu lori produtu ba supermerkadu sira iha Díli hahu redus, mezmu produsaun komunidade sira nian sae, maibe lori ba merkadu volume tun,” katak Administrador Munisipiu Aileu Abel ba STL liu husi telefone, Domingu nee (05/09/21).

Nia esplika, hanesan ema hotu hatene populasaun iha munisipiu Aileu, produsaun neebe mak populasaun sira produs nee hanesan hortikultura no modo sira nee hodi hatama ba iha supermerkadu sira iha Díli, hanesan Leader no supermerkadu seluk tan.

Enkuantu haree ba situasaun Covid-19 iha Aileu, hanesan lideransa autoridade lokal servisu hamutuk ho Xefe Suku no aldeia halo sosializasaun ba komunidade sira, makaas los konaba moras Covid-19 nee atu nunee komunidade sira bele prevene an husi moras nee rasik. Tanba nee iha sosializasaun ba komunidade sira, atu nafatin uza maskara, fase liman, no distansiamentu sosial.

Tuir administrador nee katak, servisu konaba prevensaun Covid-19 nee susesu, tanba sosializasaun makaas, komunidade sira iha Aileu númeru pozitivu nee ladun aas hanesan munisipiu sira seluk. Mezmu munisipiu barak neebe haleu Aileu mak iha númeru pozitivu, maibe Aileu númeru la aas. Entretantu la iha aihan iha SS no KO, maibe servisu makaas entre autoridade ho polisia nomos pesoal saúde sira halo sosializasaun ba moras nee lao nafatin.

Maibe impaktu diretamente ba komunidade nee atu dehan katak negativu ka marjen ladiak, tanba rendimentu komunidade hortikultura menus.

Entretantu observasaun STL haree katak, limitasaun movimentu nee laos iha Aileu deit, maibe iha territoriu laran tomak no impaktu ba ekonomia rai laran.

Tanba ho situasaun Covid-19 nee movimentu transporte publiku laiha, tanba nee difikulta populasaun hotu atu asesu ba merkadu.*

Reportajen: Guilhermina Franco

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: