Covid-19, Emprezarius Tauk Loke Loja

Prezidenti Camra Comerciu Industria Municipiu Lautem (CCI-Lautem), Custodio Jose Lopes. (Foto: STL/Marcus Fallo)

DÍLI, STLNEWS.co – Durante situasaun Covid-19, emprezarius tomak tauk loke loja tanba sirkulasaun osan menus, komesa husi nasional ba to iha Municipiu teritoriu Timor Leste tomak.

Prezidenti Camra Comerciu Industria Municipiu Lautem (CCI-Lautem), Custodio Jose Lopes ba STL, iha salaun enkontru Igreza Catedral, Vila-Verde, Dili, Tersa (01/12/2020) hatete, impaktu husi virus Corona halo emprezarius Timor oan sira hapara sira nia atividades negosiu hanesan loke loja, tanba sirkulasaun osan iha rai laran menus tebes.

“Sirkulasaun osan iha National la lao, mas ami iha Lospalos nee diferensia dok, uluk ita bele bok an, agora ho Covid-19 ne, fou-foun ema loke loja tauk,” Costodio halerik.

Tuir nia, impaktu seluk osan ladun sirkula tanba Timor Leste, infrenta krizi politika halo Orsamentu Jeral Estadu (OJE), la passa iha Parlamentu Nasional hatodan tan Timoroan sira, liu-liu emprezarius sira atu halao negosiu iha area oi-oin mos komesa Dada an tanba menus osan.

Nia hatutan, osan nebe mak sirkula iha rai nee mos, mai husi Timoroan sira neebe servisu iha rai liur hanesan Inglatera, Korea de Sul, Australia no Irlandia.

“Sorti mak ita nia alin sira nebe ba servisu iha rai liur, sira manda osan mai Timor, ne mak ekonomia Timor lao diak uituan,” hatete Coustudio.

Costudio aumenta katak, maski OJE passa iha tinan 2020, maibe ladun fo influesia makas hodi normaliza situasaun ekonomia rai laran tanba menus ema atu halo kompras iha loja no iha merkadu sira.

Nia sujere ba Governu atu hadia ekonomia Timor nia, liu husi OJE tinan 2021, tanba ema hotu hakarak atu Timor labele infrenta demais krizi financeiru tanba iha tinan 2019, OJE la passa on a ida ne’e labele repete tan iha nasaun ne.

“Maibe ita hare took ba tinan 2021, ba oin ita hansa ho esperansa katak Timor se bele lao ba oin,” nia espera.*

Reportajen: Marcus Tefa Fallo
Editora: Carme Ximenes

LEAVE A REPLY

Please enter your comment!
Please enter your name here