Covid-19 Impede Batik Mai Investe Iha TL

DILI, STLNEWS.co – Pandemia surtu Covid-19 halo investor Batik labele mai investe iha Timor Leste, tanba area neebe mak investor sira nee atu mai investe mak transportasaun aero, maibe tanba Covid-19 halo aeroportu taka.

Tuir Diretur Ezekutivu SERVE Florencio Sanches hatete, uluk SERVE halo ona negosiasaun ho Kompania Internasional Batik atu mai halo investimentu iha area transportasaun aero nian, maibe agora sai paradu tanba mundu hasoru hela pandemia surtu Covid-19, tanba nee investor labele mai, area neebe nia atu investe ba nee sei taka hela.

“Ami halo ona negosiasaun ho kompania internasional ka aviaun Batik atu mai investe iha TL, maibe seidauk bele realiza, tanba mundu hasoru hela moras global Covid-19, no area neebe ema atu mai investe ba nee mos sei taka hela hanesan aeroportu, maibe aban bain rua atividade sira nee fila ba norma, mak Batik sei mai investe,” dehan nia ba STL Kuarta nee (08/09/2021) iha nia knaar fatin SERVE.

Nia afirma liu tan, tuir informasaun neebe mak SERVE simu husi Kompania Batik katak, iha Singapura rai ida neebe kiik tebes, aviaun atu para mos fatin susar, tanba nee mak sira buka fatin seluk.

Iha parte seluk reprezentante povu iha uma fukun Parlamentu Nasional (PN), Deputadu Domingos de Carvalho hatutan, Covid-19 mak impede kompania barak tak sira nia atividade, no kompania barak kansela atu mai investe iha TL.

“Hau hanoin aban bain rua mak Covid-19 nee laiha ona, mak kompania internasional sira nee barak sei mai investe, maibe fila fali ba politika governu nian,” dehan nia.*

Reportajen: Madalena Horta/Jacinta siquira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: