Covid-19 Lori Benefisiu Ba BNCTL

DILI, STLNEWS.co – Pandemia surtu Covid-19 lori benefisiu boot ba Banku Nasional Comersiu Timor Leste (BNCTL), tanba kliente banku kontinua aumenta.

Kestaun nee fo sai husi Diretor/CEO BNCTL, Brigido Sousa ba STL, Kuarta nee (29/09/2021) iha nia knaar fatin, Mandrin, Dili.

“Covid-19 hanesan situasaun neebe difisil ba ema hotu atu hasoru, maibe BNCTL la sente ninia impaktu neebe boot, hodi soke banku nia operasaun, tanba durante pandemia, BNCTL mobiliza kreditu barak, depozitus barak, nomos numeru kliente kontinua aumenta,” dehan CEO BNCTL nee.

Nia afirma liu tan, hahu fulan Dezembru tinan 2020 to’o agora, BNCTL nia kliente aumenta ba 18 mil, signifika kada fulan kliente BNCTL aumenta barak kuaze dois mill ital, tanba nee mak situasaun Covid-19, hasoru Serka Sanitariu (SS), Konfinamentu Obrigatoriu (KO), maibe impkatu ba Banku BNCTL ladun boot.

Maske ema balun kestiona katak, iha situasaun agora negosiu ladun lao diak no balun sofre husi Covid-19, banku la sente kreditu mal paradu, tan nee kreditu mal paradu iha BNCTL menus husi 3%, no agora tuun ona ba 2%, tanba nee, maske TL hasoru hela pandemia  Covid-19, maibe BNCTL ladun hasoru problema.

Iha parte seluk, reprezetante povu iha uma fukun Parlamentu Nasional, Deputada Elvina Sousa hatete, Banku BNCTL hanesan uniku Timor nian, tanba nee, nia tenke fo atendimetu ho diak ba kliente sira.

“Ita haree atendimentu banku durante situasaun Covid-19 nee diak tebes, tanba BNCTL la taka hanesan banku internasional balun, neebe taka provizoriu nia atividade,” dehan nia.*

Reportajen: Madalena Horta/Joseph Koa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...